काठमाण्डाै ।
कैलालीमा एक किशोरीमाथि सामूहिक बलात्कार भएकाे छ । जिल्लाको गौरीगंगा नगरपालिका-१ कि १७ वर्षीया किशोरीमाथि सामूहिक बलात्कार भएको हो ।
बलात्कारमा संलग्न रहेकाे आरोपमा ४ युवालाई प्रहरीले पक्राउ गरेको छ ।
आफन्तलाई भेटेर गएराति घर फर्किंदै गरेकी किशोरी खुरखुरियानजिकै सामूहिक बलात्कारमा परेको उजुरी परेको जिल्ला प्रहरी कार्यालय, कैलालीका प्रवक्ता प्रहरी नायव उपरीक्षक दक्ष बस्नेतले जानकारी दिए ।
प्रहरी नायब उपरीक्षक बस्नेतका अनुसार, बलात्कृत किशोरीले आफूमाथि कुटपिट गर्दै बलात्कार गरेको बयान दिएकी छन् ।
घटनामा संलग्नको आरोपमा ४ जनालाई नियन्त्रणमा लिइएको छ । धारिलो हतियार र मोटरसाइकलसहित पक्राउ परेका उनीहरूमध्ये दुईजना २० वर्ष र दुईजना क्रमशः २१ र २४ वर्षको रहेको बस्नेतले जानकारी दिए ।
