अन्तरजातीय प्रेम

रूकुम घटनामा वेपत्ता थप एक जनाकाे शव भेटियाे, वडाध्यक्ष सहित १२ जना पक्राउ

रुकुमपश्चिम चौरजहारी नगरपालिका ८ मा अन्तरजातीय प्रेमका कारण भएको घटनापछि बेपत्ता मध्य थप एक जनाको शव सोमबार भेटिएको छ।

सोतीस्थित मल्ल थरकी किशोरीसँगको प्रेमसम्बन्धपछि २० जनाको केटापक्षको टोली केटी लिन गएका थिए। ती युवा र सोतीका स्थानीयबीचको झडप भएको थियो । २ जनाकाे शव भेरी नदी किनारमा फेला परेको थियो।

सोमबार थप एक जनाको शव भेटिएको हो। बेपत्ता केही युवाको अवस्था भने अझै अज्ञात छ। प्रहरीले दिएको जानकारीअनुसार, जाजरकोटको भेरी नगरपालिका–४ का २१ वर्षीय युवा नवराज विककी प्रेमिका सोतीकी किशोरी लिन करिब २० जनाको टोली नै बनाएर युवाहरु गएका थिए।

सोतीमा गाउँले र ती युवाहरुबीच झडप हुँदा भेरी नगरपालिका–४ नवराज विक र चौरजहारी नगरपालिका–१ टीकाराम सुनार र भेरी नगरपालिका–४ गणेश बुढाको मृत्यु भएको थियो । सुनार र विकको शव आइतबार भेटिएको थियो भने गणेशको सोमबार भेटिएको हो। भेरी नगरपालिकाका सञ्जु विक, गोविन्द शाही, लोकेन्द्र सुनार र गोपाल बुढाथोकी शनिबारदेखि बेपत्ता छन्।

घटनामा संलग्न रहेको अरोपमा चौरजहारी नगरपालिका ८ का वडाध्यक्षलाई प्रहरीले नियन्त्रणमा लिएको छ। वडाध्यक्ष डम्बर मल्लसहित स्थानीय १२ जनालाई पक्राउ गरिएको जिल्ला प्रहरी कार्यालय रुकुम पश्चिमका प्रहरी नायब उपरीक्षक ठकबहादुर केसीले जानकारी दिएका छन्। उनीहरुमाथि थप अनुसन्धान भइरहेको प्रहरीले जनाएको छ।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
मङ्ल, जेष्ठ १३, २०७७ (May 26, 2020, 7:03 am) मा द्वारा अपराध अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया