रुकुम घटना : दोषीलाई कारबाहीको माग गर्दै विरोध प्रदर्शन

रुकुम घटनाको निष्पक्ष छानबिनको माग गदै रुकुम पश्चिमका युवाले बाँफिकोट गाउँपालिकामा बिरोध प्रर्दशन गरेका छन् । गत जेठ १० गते जिल्लाको चौरजहारी नगरपालिका-८ सोती घटनामा मारिएका नवराज विकसहितका मृतकका परिवारको न्यायका लागि दलित युवा प्रर्दशनमा उत्रिएका हुन् ।

प्रदर्शनकारीले हत्यारालाई कारबाही गर, घटनाको निष्पक्ष छानबिन गर, घटनालाई तोडमोड गर्न खोज्न पाइदैन, पीडितलाई न्याय नदिने सरकार हामीलाई चाहिँदैन, मृतकलाई सहिद घोषणा गरलगायतका नारा लगाउँदै गाउँ परिक्रम गरेर विरोध गरेका हुन् ।

लकडाउनको प्रवाह नगरी उनीहरु न्यायका लागि प्रर्दशनमा उत्रिएको दलित युवा बिनाराम विकले बताए । राजनीतिक पहुँचका आधारमा घटनामा संलग्नलाई जोगाउन खोजेको भन्दै बिरोध प्रदर्शन गरिएको उनले बताए । घटनालाई तोडमोड हुन नदिन बाम्बारको खबरदारी आवश्यक रहेका कारण विरोधमा उत्रिनु परेको बताउँदै उनले घटनाको निष्पक्ष छानबिन हुनु पर्ने, स्थानीयदेखि केन्द्रीय सत्तासम्मको प्रभाव पर्न नहुने माग गरे ।

उक्त घटनामा नवराजसहित पाँचजनाको मृत्यु भएको छ । मृतक सबैको पोष्टमार्ट रिपोर्ट समेत आइसकेको छ । पोष्टमार्टम रिपोर्टले समेत मृतकको पेटमा पानी नभएको देखाएकाले बाहिर नै हत्या गरेर भेरी नदीमा फालिएकाले दोषीलाई कारबाही हुनुपर्ने दलित अधिकारकर्मी दत्तबहादुर विकले बताए ।

लामो समयदेखिको प्रेम सम्बन्धमा रहेका केटाकेटी विवाह गर्न लाग्दा दलित भएकै कारण हत्या गर्नु जघन्य अपराध भएकाले दोषीलाई हदैसम्मको कारबाही हुनुपर्ने उनको माग छ ।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
सोम, जेष्ठ १९, २०७७ (June 1, 2020, 2:45 pm) मा द्वारा अपराध अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै