कैलाली जिल्लाको टीकापुर नगरपालिका वडा नं. ९ बाट मंगलबार राती भन्सार छलि गरी भित्रिदै गरेकाे अबैध कपडा प्रहरीले बरामद गरेको छ ।

खक्रौला स्थित सशस्त्र प्रहरि बलका गुल्मपति पुर्ण बहादुर चन्दले रात्री को १० बजे ३ लाख ८९ हजार बराबरको कपडा नियन्त्रणमा लिएको बताउनुभएको छ ।

रात्रीको समयमा जङ्गलको बाटो भएर अबैध कपडा भित्रीन लागेको थियो, हामिहरु सजग थियौ तर तस्करहरूले सुइँको पाउनासाथ कपडा छोडेर जङ्गल मा फरार भएको डिएसपि चन्दले बताउनुभयो ।

नियन्त्रणमा लिएको कपडा सत्ति भन्सार कार्यालय खक्रौलामा बुझाइएको प्रहरीले जनाएको छ । सशस्त्र प्रहरी, सिमामा हुने अबैध गतिविधि रोक्न कडाईका साथ अहोरात्र खटिएको उहाँले बताउनुभयो ।

त्यसैगरि इलाका प्रहरी कार्यालय टीकापुरले गत ३ गते रात्री ८ बजे ७२ हजार बराबरको अबैध कार्पेट तथा पुष ७ गते राति ८ बजे इन्जिनमा प्रयोग हुने ठुलो साइजको १ लाख बराबरको अबैध ब्याट्रि सहित मानिस पक्राउ गरेको प्रहरी नायब उपरीक्षक नबिनराजा बुढाथोकिले बताउनुभयो ।