लम्की, कैलाली ।
सिभिल बैँक, लम्की शाखामा कार्यरत २ जना कर्मचारीमा काेराेना पुष्टी भएकाे छ । धनगढीमा प्रयाेगशालामा भएकाे परीक्षणमा कोरोना संक्रमण पुष्टि भएका सिभिल बैँकका कर्मचारी लम्कीचुहा नगरपालिका र जानकी गाउँपालिकामा कार्यरत रहेका खुलेकाे हाे ।
लम्की शाखामा कार्यरत दुई जना र जानकी गाउँपालिकाको शाखामा कार्यरत एक जना कर्मचारीमा संक्रमण पुष्टि भएको हो । लम्की शाखामा कोरोना पुष्टि भएका एक जना गार्ड र एक जना कर्मचारी रहेका छ्न ।
लम्किका कोरोना संक्रमित कर्मचारी संग सम्पर्क गर्दा आफू र एक जना साथिलाई कोरोना भएको र अन्य कर्मचारीको स्वाव संकलन पनि गरि पठाएको उनले जानकारी दिएका छन । गत सोमबार बैंक बाट स्वाब दिन साथी र म गयौँ, आफुलाई ज्वरो एक दिन मात्र आएको पछि ज्वरो आफै सन्चो भएको तर शरीरमा आलस्य अहिले पनि भई रहेको छ संक्रमितले बताए । उनले भने, ‘म त्यती धेरै मानिसको सम्पर्कमा नआएकाे भएपनि कुनै सेवाग्राही बाट सरेको हुन सक्छ।’ कोरोना पुष्टि भएपछी मानिसहरुको हेर्ने नजर फरक रहेकाे र याे निकै दु:खद रहेकाे गुनासाे समेत उनले गरे ।
यस्तै बुधबारदेखि सम्पर्क बिहिन भएका अर्का संक्रमित पनि सिभिल बैँककै कर्मचारी भएको खुलेको छ। ती कर्मचारी पनि जानकी गाउँपालिकामा रहेको शाखामा कार्यरत छन्।
यो सँगै बैँकको लम्कीचुहा शाखाका दुई र जानकी गाउँपालिका शाखामा कार्यरत दुई गरी चार जना बैङ्कका कर्मचारीमा कोरोना संक्रमण देखिएकाे हाे।
