सुर्खेत । मानसरोवर जानका लागि हुम्ला सदरमुकामबाट हिल्साका लागि उडेको मनाङ्ग एयरको कल साइन ९ एन-एमभी हेलिकप्टरको पङ्खा लागेर हिल्सामा मृत्यु भएका भारतीय नागरिकलाई उनकै देशमा लगिने भएको छ ।
हिल्सामा हेलिकप्टर अवतरण गरेपछि बाहिर निस्केर सेल्फी खिच्ने क्रममा भारतीय तीर्थयात्री नगेन्द्र कुमार कार्तिक मेहेताको हेलिकप्टरको पङ्खाले काट्दा घटनास्थलमै निधन भएको थियो । महाराष्ट्रको मुम्बइ घर भएको मेहेताको पासपोर्ट नम्वर जेड ३३८५२८५ रहेको छ ।
उनि ओर्लेर सेल्फी खिच्ने क्रममा पछाडिको पङ्खा लागेर मृत्यु भएको हो । मेहताको शव मङ्गलबार नै हिल्साबाट सिमकोट पुर्याइएको जिल्ला प्रहरी कार्यालय हुम्लाका प्रहरी निरीक्षक गिन्द्रबहादुर बोगटीले बताए ।
सहायक प्रमुख जिल्ला अधिकारी महेशकुमार पोखरेलले मृतकका परिवारबाट जाहेरी लिई बयान सकेर शव परीक्षण गर्न थालिएको बताए । शव परीक्षणपश्चात् आफन्तलाई बुझाई हेलिकोप्टरबाट काठमाडौँ हुँदै भारत लगिने तयारी गरिएको छ ।
सेल्फी खिच्ने क्रममा पङ्खा लागेर मेहताको टाउको क्षतविक्षेत भएको थियो । उनको परिवारसहित तीन जना आफन्त मुम्बईको एक्स्प्लोर कैलाश ट्रेक प्राइभेट लिमिटेडबाट एक हप्ताका लागि मानसरोवर दर्शन गर्न गएका थिए ।
हेलिकप्टरबाट बाहिर निस्किदा पङ्खा केहिबेर घुमि रहेको अवस्थामा अगाडि पट्टिको भागबाट जानलाई सहायकहरूले जानकारी गराउँदा गराउँदै सेल्फी खिच्न गएका उनले सावधानी अपनाउन नसक्दा तीर्थयात्रुको दुर्घटनामा परि दु:खद निधन भएको हो ।
प्रतिक्रिया
बिक्री गर्न तयार भएकाे लाखाैकाे खरबुजा अज्ञात व्यक्ति द्वारा बारीमै काटेर नष्टप्रतिक्रिया
अलपत्र परेकालाई गन्तव्यसम्म पुर्याइदिने कर्णाली प्रदेशकाे निर्णयप्रतिक्रिया
२१ पदक जित्दै छैटाै सगरमाथा अन्तराष्ट्रिय कराते प्रतियाेगितामा नक्साल डाेजाे बन्याे च्याम्पियनप्रतिक्रिया
पालैपालो यौनसम्पर्कपछि हत्या, मोबाइल ‘अन’ भएपछि पत्ता लाग्यो हत्याराप्रतिक्रिया
कोरोना संक्रमण बढ्दै गएपछि कोरिया जाने कामदार पठाउन बन्द