अर्बपतिले छोरीका लागि १२ स्टाफ राख्ने, गरे विज्ञापन

बेलायतमा एक भारतीय छात्रा मिडियामा छाएकी छन् । उनको भव्य एकेडेमिक रेकर्ड वा कुनै ठूलो पद भएर चर्चा भएको हैन । उनको विलासिताका कारण खबर बनेको हो ।

द सन पत्रिकामा छापिएको खबर अनुसार, एक भारतीय अर्बपतिकी छोरी स्कटल्यान्डको सेन्ट एन्ड्रुज विश्वविद्यालयमा पढिरहेकी छन् । छोरीको पढाइ अवधिभर मातापिताले १२ स्टाफको व्यवस्था गरेका छन् । ती स्टाफमा बटलर, शेफ, मेड, हाउकीपर, बगैंचे र कारचालक लगायत छन् ।

छोरीको चार वर्षको पढाइको अवधिभरिका लागि विशेषज्ञ स्टाफ राख्नका लागि विज्ञापन गरिएको छ । परिवार अत्यधिक धनी हुनाले अनुभवी र कुशल स्टाफ मात्र राख्दैछ । बटलरले मेन्यू हेर्ने अनि टोलीले खाना कसरी बनाउँदैछ
निगरानी गर्ने काम गर्छन् । फूटम्यानले खाना पस्किने र टेबल सफाइ गर्ने काम गर्छन् ।

विज्ञापनअनुसार, कामदार हँसमुख, ऊर्जाशील र आत्मविश्वासले भरिएको हुनुपर्छ ।

कुनै पनि भारतीय विद्यार्थीको पढाइका लागि यति खर्च बेलायतमा गरिएको यो पहिलो उदाहरण हो । पर्सनल स्टाफमा आवश्यकता पर्दा ढोका खोल्ने, अर्को स्टाफसँग मिलेर दिनदिनैको रूटिन बनाउने, लत्ताकपडाको व्यवस्थापन गर्ने र शपिङमा सघाउने मानिस पनि खोजिएको छ ।

आवश्यक परेको बेलामा ढोका खोल्ने स्टाफको तलब प्रतिवर्ष ३० हजार पाउन्ड राखिएको छ ।

छोरीको पढाइमा कुनै अवरोध नआओस् भनी अर्बपतिले कामदारमा यति धेरै खर्च गर्न चाहेको बुझिएको छ ।

यो सामाग्री पढेर तपाईलाई कस्तो महसुस भयो ?

View all articles by
सोम, भदौ २५, २०७५ (September 10, 2018, 2:53 pm) मा द्वारा अन्तर्राष्ट्रिय अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै