७६ दिनकाे लकडाउन हटेपछि वुहान (फाेटाे फिचर)

एकै दिन ५५ हजारभन्दा बढी यात्रु रेलमार्फत वुहानबाट यात्रामा
वुहानबाट नानिङका लागि छुट्दै गरेको पहिलो हाई स्पिड ट्रेनबाट अभिवादन गर्दै परिचारिका / स्राेतः तस्बिर : सिन्‍ह्‍वा
बुधबार, चैत्र २६, २०७६, काठमाण्डाै । 

डिसेम्बरको अन्तिममा हुबेई प्रान्तको राजधानी वुहानबाट कोरोना भाइरसको संक्रमण सुरु भएको थियो। कोरोना भाइरसको संक्रमण अन्यत्र फैलिन नदिनका लागि भन्दै चीनले गत जनवरी २३ मा वुहानलाई लकडाउन गरिएको थियो। बुधबारदेखि वुहानका नागरिक चीनको अन्य ठाउँ जान पाउने भएका छन्। वुहानका रेल्वे अधिकारीहरुका अनुसार बुधबार मात्रै ५५ हजारभन्दा बढी यात्रु रेलमार्फत वुहानबाट यात्रा गर्दैछन्।

७६ दिनपछि वुहानको सीमा खुलाइए पनि केही प्रतिबन्ध भने कायमै हुने चिनियाँ अधिकारीले जनाएका छन्। कोरोना संक्रमण नियन्त्रणउन्मुख हुँदै गएपछि चीनको जनजीवन सामान्यतर्फ गएको छ। इपिसेन्टर नै मानिएको वुहानमा लकडाउन हटाइएपछि चीनको जनजीवन पूर्ववत् अवस्थामा फर्किएको चिनियाँ अधिकारीहरुले जानकारी दिएका छन्। याङ्त्सी नदीको किनारमा रहेको औद्योगिक हब मानिने वुहानमा मात्रै कोरोना भाइरसको संक्रमणबाट २ हजार ५ सयको मृत्यु भएको थियो।

वुहानको दैनिकी सामान्य बनेपछिको दृश्य, तस्बिर : सिन्‍ह्‍वा

त्यस्तै वुहानमा मात्रै ५० हजारभन्दा बढी कोरोना भाइरसबाट संक्रमित भएको चिनियाँ राष्ट्रिय स्वास्थ्य आयोगले जनाएको छ। चीनमा पुष्टि भएकोमध्ये ७७ प्रतिशत संक्रमण वुहानमा मात्रै भएको थियो। कोरोना संक्रमण न्यूनीकरणका लागि भन्दै चीनले करिब २ महिनासम्म वुहानका व्यावसायिक प्रतिष्ठान, यातायातका साधन बन्द गर्नुका साथै स्थानीयलाई तरकारी किन्नका लागि पसलसम्म जान पनि दिइएको थिएन।

अहिले विश्वका २ सयभन्दा बढी देशमा कोरोना संक्रमण फैलिइसकेको छ भने करिब १४ लाख व्यक्ति संक्रमित भएका छन् भने ८२ हजारभन्दा बढीको मृत्यु भएको छ।

वुहानको तियान्हे अन्तर्राष्ट्रिय विमानस्थलमा सामूहिक फोटो खिचाउँदै स्वास्थ्यकर्मीहरु, तस्बिर : रोयटर्स

वुहानबाट हान्‍कौ रेल्वे स्टेसनका लागि छुट्‍न लागेको रेलबाट बाहिर चियाउँदै एक प्रहरी, तस्बिर : रोयटर्स

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा मध्य तथा सुदुर पश्चिम केन्द्रित समाचार पोर्टल अपिखबर डटकम पनि सञ्चालनमा छ। साथै चाैविसै घण्टा लाइभ प्रसारण हुने नयाँ मिडिया- अनलाइन रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि अर्काइभका रूपमा रहन्छन ।

View more articles by: नयाँ मिडिया

नयाँ मिडिया

मङ्लबार, असार २९, २०७८ (July 13, 2021, 8:15 am) मा द्वारा अन्तर्राष्ट्रिय अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै