चाडपर्वका बेला हुनसक्ने आपराधिक घटना न्युनिकरणगर्न जिल्लाप्रहरी कार्यालय मोरङले बिशेष सुरक्षा योजना ल्याएको छ ।जिल्ला प्रहरी कार्यालय मोरङले बुधबार सञ्चारकर्मीलाई विशेष सुरक्षा योजनाका विषयमा जानकारी गराएको हो ।
सुरक्षा योजना अन्र्तगत चाडपर्वको वेला धेरै भीडभाड हुने स्थानमा सादा पोशाकमा प्रहरी परिचालन गरिने छ । आवश्यक संख्याका प्रहरीलाई पैदल र साईकल गस्तीमा परिचालन गरिने छ । वित्तीय संस्था, सुनचाँदी लगायतका अन्यपसलहरुमा सादा पोशाकमा हतियार सहितका प्रहरीको परिचालन गरिने व्यवस्था मिलाइएको जिल्ला प्रहरी कार्यालय मोरङका प्रमुख प्रहरी उपरीक्षक मनोजकुमार केसीले वताए । उनका अनुसार सुरक्षा योजना अन्र्तगत सीमाक्षेत्रमा विशेष सर्तकता अपनाईने छ । यस्तै मुख्यराजमार्ग तथा सहायक मार्गमा सवारी चेकजाँचलाई कडाई गरिने छ भने मापसे गरि सवारी चलाउनेलाई नियन्त्रण गर्न कडाई गरिने छ ।
दसैं तिहार जस्ता चाडपर्वमाहुने जुवातासलाई नियन्त्रण गर्न मोरङ प्रहरीले विषेश निगरानी गर्ने भएको छ । जुवातास नियन्त्रण गर्न बिशेष टोली परिचालन गरिने प्रमुख केसीले बताए । उनले चाडपर्वका वेला सीमा क्षेत्रवाट हुने हातहतियार ओसारपसार नियन्त्रण,अवैध पैठारी नियन्त्रण, लागूपदार्थ ओसारपसार नियन्त्रणमा सर्तकता अपनाइने छ । समाजमाशान्ति सुरक्षा भड्काउनखोज्नेलाई नियन्त्रणमा लिई कडा कारवाहि चलाइने उनले बताए ।
यस्तै जिल्लाप्रहरी कार्यालयले गाँउ टोलका घरमाचोरी तथा लुटपाट नियन्त्रणका लागि विशेष सुरक्षा अनुरुप एम्वुस नीति ल्याएको छ । चाडपर्वमा सुरक्षा अवस्था थप सुदृढ बनाउन जिल्लालाई ९ क्षेत्रमा विभाजन गरी झण्डै एकहजार प्रहरी परिचालन गरिने एसपी केसीले बताए ।
