बिहीबार देखी संस्थानको खसी बोका बिक्री

नेपाल खाद्य संस्थानले यही बिहीबार देखी खसी बोकाको बिक्री सुरु गर्ने भएको छ । संस्थानले विभिन्न जिल्लाबाट संकलन गरेका खासिबोका २४ असोजमा राजधानीमा आइपुग्ने भएकोले २५ देखी बिक्री गर्ने निर्णय गरेको नेपाल खाद्य संस्थानका प्रवाक्ता शंकर सापकोटाले बताए ।

मुस्ताङ्गबाट राजधानीमा च्यांग्रा ल्याउने जिम्मा हरहरमाहादेव ढुवानी कम्पनीलाई दिएको पनि प्रवाक्ता सापकोटाले जानकारी दिए । कम्पनीले मुस्ताङ्गबाट राजधानी सम्ममा एक हजार च्यांग्राको ढुवानी भाडा ६ लाख ७३ हजार रुपैँयामा लिने गर्छ । प्रवाक्ता सापकोटाको भनाइ अनुसार, प्रति च्यांग्रा ढुवानी ६ सय ७३ रुपैँयामा हरहरमहादेव ढुवानी कम्पनीसंग नेपाल खाद्य संस्थान विच सहमति भएको छ ।

उनले यो दसैमा गतवर्षको भन्दा प्रतिकेजी मासुमा २० देखि २५ रुपैँया बढन सक्ने बताए । यो वर्ष ढुवानी दर बढि भएकाले मासुको मुल्य पनि बढ्ने छ । तर दसैमा मासुको मुल्य के कति हुन्छ एकिन टुग्गो नलागेको उनलेब ताए ।

खसी बोकको मुल्य बुधबार मात्रै निर्धारण हुने भएको छ । गतवर्षमा खसीको मुल्य प्रति केजी ४ सय ५० र च्याङ्गराको मुल्य ६ सय ५० रुपैया थियो । संस्थाले यो वर्ष दसैमा २ हजार खसीबोका राजधानीमा विक्री वितरण गर्ने जनाएको छ । जसमा एक हजार च्यांग्रा र एक हजार खसीबोका रहेका छन ।

यस्को लागि संस्थानले ३ करोड ४९ लाख रुपैया छुट्याएको छ । गतवर्षको दसैंमा २ हजार ५०० सय खसीबोका राजधानी ल्याउनको लागि ३ करोड ८७ लाख रुपैँया छुट्याएको थियो । दसैको समयमा राजधानीमा अन्य समयको भन्दा धेरै मासू खपत हुने हुँदा मुल्य नियन्त्रणको लागि संस्थानले खसी बोकाका मुल्य निर्धारण गर्ने गर्छ ।

यो सामाग्री पढेर तपाईलाई कस्तो महसुस भयो ?

View all articles by
सोम, अशोज २२, २०७५ (October 8, 2018, 11:47 am) मा द्वारा जनजीविका अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया