बाराको कबहीगोठस्थित नेपाल- भारत सीमानामा भारतियले प्रहरी माथि हातपात र ढुंगामुढा गरेकाछन । भारतबाट दुइटा गाडीसहित नेपाल प्रवेश गर्न खोज्ने भारतीय नागरिकले सिमामा रहेका प्रहरीमाथी हातपात र ढुंगामुढा गरेका हुन ।

स्थिती तजानवपुर्ण भएपछि सशस्त्र प्रहरीले हवाई फायर गर्दै भीडलाई तितर वितर पारेकाे हाे । गाडी प्रवेश गर्न नपाएपछि करिब डेढ सयको संख्यामा भारतीय नागरिक सशस्त्र प्रहरीको चेक प्वाइन्टमा ढुंगामुढा गर्न आएका थिए ।

त्यही क्रममा सशस्त्रले हवाई फायर गरी भीडलाई भारततफै फर्काएको हो ।

लकडाउनयता मात्रै भारतीय नागरिकले नेपाल प्रवेश गर्न खोज्दा ११ चेक प्वाइन्टमा आक्रमण गरेका छन् ।

चैत १८ यता सीमानाकाबाट आवतजावत गर्न माग गर्दै सप्तरी, सिरहा, झापा, मोरङ, सर्लाही, नवलपरासी, कपिलवस्तुलगायत जिल्लामा सीमामा खटिएका प्रहरी र सशस्त्र प्रहरीमाथि सांघातिक आक्रमण र दुर्व्यवहार गरिएको छ ।

आउजाउमा रोक लगाउँदा भारतीय भूमिबाट आएको भीडले प्रहरीका हतियार नै खोस्नेसम्मका गतिविधि गरेका छन् । कतिपय चेकप्वाइन्टमा सीमापारिबाट रातको समयमा सुरक्षाकर्मीलाई लक्षित गरी ढुंगा प्रहार हुने गरेको सुरक्षा अधिकारीहरू बताउँछन् ।

आक्रमणका घटना नरोकिए दशगजाबाट ३ किमि क्षेत्रमा निषेधाज्ञा र कफ्र्यु लगाई सीमा क्षेत्रलाई ‘रेड जोन’ घोषणा गर्नुपर्ने सुझावसमेत आएको गृह मन्त्रालय उच्च स्रोतको भनाइ छ । मंगलबारमात्रै सरकारले सीमाबाट ५ किमिभित्र सेनाको गस्ती परिचालन गर्ने निर्णय गरिसकेको छ ।