NayaMedia

Advertisment

SKIP THIS
नागरिकतासम्बन्धी विधेयक

विहे गरेर आएकी महिलालाई तत्काल नागरिकता दिनु पर्ने काँग्रेसकाे अडान, पास हुन लागेको विधेयक राेकियाे

संसदीय समितिबाट पास हुन लागेको नागरिकतासम्बन्धी विधेयकमा काँग्रेसले असहमति जनाएपछि सहमति जुटाउन थप ५ दिन समय थपिएको छ ।

बुधबार राज्यव्यवस्था तथा सुशासन समितिको बैठकमा भएको बैठकमा काँग्रेस सांसद दिलेन्द्र बडुले सहमतिका लागि समिति सभापतिसँग समय थप्न माग गरेका हुन् ।

मंगलबार बसेको समितिको बैठकमा विधेयक पास गरेर संसदको पूर्ण बैठकमा पठाउने तयारी भएपनि काँग्रेसका सांसदले १ दिनको समय माग गरेका थिए । पार्टीमा छलफल गरेर सहमतिको बाटो खोल्ने भनेपनि बुधबार कांग्रेस सांसद रित्तो हात बैठकमा सहभागी भएका थिए ।

सहमति जुटाउन कांग्रेसले समय मागेपछि बैठकमा सहभागी गृहमन्त्री रामबहादुर थापाले पनि राजनीति सहमति जुटाउनका लागि समय मागेको थिए । गृहमन्त्रीले पनि समय मागेपछि समिति सभापति शशी श्रेष्ठले सहमति जुटाउनका लागि ५ दिनको समय दिएकी छिन् ।

नागरिकतासम्बन्धी विधेयकमा नेपालीसँग बिहे गरेर आएकी विदेशी महिलालाई नागरिकता दिने अवधिबारे राजनीतिक दलहरुबीच मतान्तर रहेको छ । काँग्रेस तथा मधेस केन्द्रीत दलले २०६३ सालको नागरिकता ऐन अनुसार नेपालीसँग बिहे गरेर आएकी विदेशी बुहारीलाई तत्काल नेपाली नागरिता दिनुपर्नेमा अडान लिएका छन् ।

यस्तै नेकपाले भने विदेशी बुहारीलाई ७ वर्षपछि मात्रै नागरिकता दिने प्रावधानमा अडान लिइरहेको छ । आजको बैठकमा पनि नेकपा सांसदहरुले विदेशी बुहारीलाई ७ स्थायी बसोबासपछि वैवाहिक अंगिकृत नागरिकता दिने र त्यसअघिका लागि आर्थिक, सामाजिक, सांस्कृतिक अधिकार प्रयोग गर्न पाउने परिचयपत्र दिनेमा सहमति गरेर विधेयक पास गर्न जोड दिएको सांसद लक्ष्मी कुमारी चौधरीले जानकारी दिइन् ।

यस्तै नेपाली कांग्रेसको आज बसेको पदाधिकारी बैठकले अहिले भएकै व्यवस्था अनुसार विदेशी बुहारीलाई अंगिकृत नागरिकता दिनुपर्ने विषयमा निर्णय गरेको छ ।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
बुध, असार ३, २०७७ (June 17, 2020, 4:58 pm) मा द्वारा अदालत / कानुन अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै