लम्किमा प्रर्दशन

रञ्जन कोइरालालाई उन्मुक्ति दिने अदालतकाे निर्णय खारेजीकाे माग गर्दै लम्कीमा ढकाल समाज द्वारा प्रर्दशन

हत्यारा रञ्जन कोइरालालाई उन्मुक्ति दिने अदालती निर्णय खारेज गर भन्दै लम्कीमा ढकाल समाज कैलालीले बिरोध प्रर्दशन गरेको छ ।

श्रीमतीको हत्या अभियोगमा सर्वस्वसहित जन्म कैद भोगिरहेका पूर्व डीआईजी रञ्जन कोइरालालाई सर्वाेच्च अदालतले सजाय घटाएर उन्मुक्ति दिएपछि सबैतिरबाट विरोध भइरहेको बेला कैलालीको लम्कीचुहा नगरपालिका १ लम्कीमा आज ढकला समाजले विरोध पर्दशन गरेको हो ।
सर्वोच्च अदालतको आदेशपछि ८ वर्ष ६ महिना कैद सजाय भुक्तान गरेर पूर्वसशस्त्र प्रहरी नायब महानिरीक्षक (डीआईजी) रञ्जन कोइराला गत साउन ८ गते जेलमुक्त भएका थिए ।

सर्वोच्च अदालतले १५ असारमा कोइरालाको सजाय घटाउँदै ८ वर्ष ६ महिना कायम गरेको थियो । आफ्नै श्रीमती गीता ढकालको हत्या गरेपछि पूर्वडीआईजी कोइराला जेल परेका थिए । सो मुद्दामा जिल्ला र पुनरावेदन अदालतले सर्वश्वसहित जन्मकैदको फैसला सुनाएको थियो । तर, प्रधानन्यायाधीश चोलेन्द्रशमशेर जबरा र तेजबहादुर केसीको इजलासले उनको सजाय घटाउने फैसला गरेको थियो ।

२०६८ माघमा काठमाडौंमा उनले पत्नी गीताको हत्या गरेका थिए । महाराजगञ्जमा श्रीमतीको हत्या गरेर उनले घटना लुकाउन शव समेत जलाएका थिए । शव फालिएको स्थानमा दोस्रो पटक गएर फर्किँदै गर्दा २८ माघ ०६८ मा थानकोटबाट कोइराला पक्राउ परेका थिए ।

आफ्नै श्रीमतिको हत्या गर्ने हत्यारा रञ्जन कोइरालालाई उन्मुक्ति दिने अदालती निर्णय खारेज गर, महिला माथि हुने हत्या, हिंसा र अत्याचार बन्द गर लगाायतका माग राख्दै लम्कीमा प्रदर्शन भएको नेपाल ढकाल समाज कैलालीका अध्यक्ष रङ्गनाथ ढकालले बताउनु भयो ।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
शनि, साउन १७, २०७७ (August 1, 2020, 9:44 pm) मा द्वारा अदालत / कानुन अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया