काठमाण्डाै ।
नायिका नम्रता श्रेष्ठ केही बर्षदेखि प्रेममा छिन् । प्रेममा रहेकी यी नायिकाको बिहे कहिले हुन्छ भन्ने कौतुहलता उनका फ्यानलाई पनि होला । मिडियाका लागि त नायक–नायिकाको बिहेको चासो सधै नै हुने गर्दछ । तर, नायिका नम्रता श्रेष्ठले भने आफूले बिहेको बिषयमा नसोचेको बताएकी छिन् ।
नम्रताले भनिन्–‘मैले त अहिले बिहेको बिषयमा सोचेकी नै छैन । जुन दिन हुन्छ, तपाइहरुलाई थाहा भैहाल्छ ।’
नम्रताले बिहे कसरी गर्ने भन्ने बिषयमा पनि कुनै योजना नबनाएको बताइन् । नम्रताले भनिन्–‘मेहेन्दी, संगीत सेरेमोनी गर्ने वा नगर्ने भन्ने बिषयमा मैले सोचेकी छैन । जुन दिन मेरो बिहेको लगन जुर्छ, त्यही दिन नै कसरी गर्ने भन्ने बिषयमा पनि सोच्नेछु ।’
यो बर्ष नेपाली चलचित्रका नायिकाहरुको धमाधम बिहे भैरहेको छ । नायिका ऋचा शर्मा, रीश्मा गुरुङ, प्रियंका कार्कीको बिहे भैसकेको छ भने नायिका आँचल शर्माको बिहे फागुणको २९ गते हुँदैछ ।
