काठमाडौं । नेपाल आर्मी र यूएस इन्डो-प्यासिफिक कमान्ड डारेक्टोरेट अफ इन्टेलिजेन्सको आयोजनामा ‘एसिया प्यासिफिक इन्टलिजेन्स चिफ्स सम्मेलन’ सुरु भएको छ। होटल हायातमा सोमबार सुरु सम्मेलनको उद्घाटन कामू प्रधानन्यायाधिश पुर्णचन्द्र थापाले गरे।
सम्मेलनमा २३ देशका ८३ र नेपालका २० गरी एक सय ३ उच्च सैनिक अधिकृत सहभागी छन्। तीन दिनसम्म सन्चालन हुने सम्मेलनमा सहभागी हुने प्रतिनिधीलाई विभिन्न पर्यटकिय क्षेत्रको अवलोकन गराईने सैनिक जनसम्पर्क निर्देशनालयले जनाएको छ।
‘ यस प्रकारको बहु-राष्ट्रिय संयुक्त सम्मेलनले वर्तमान र भविस्यमा उत्पन्न हुन सक्ने रणनैतिक सुरक्षा चुनौतीको समाधानको लागि अन्तर्राष्ट्रिय भेटघाट,छलफल र समन्वयद्धारा पेशागत विशेषज्ञता आदानप्रदान हुन गई सैनिक इन्टेलिजेन्स क्षमतामा थप अभिवृद्धि गर्न मदत पुग्ने छ’, निर्देशनालयद्धारा जारि विज्ञप्तीमा उल्लेख छ।
