यी हुन साउन महिनामा काठमाडौंमा उत्कृष्ट काम गर्ने प्रहरी अधिकारी र जवान

काठमाडौं प्रहरीले वृत्त जनसेवाका डिएसपी टेकुनन्द इवालिम्बु र वृत्त लैनचरका डिएसपी गौतमकुमार केसीलाई साउन महिनाको काठमाडौं प्रहरी अवार्ड दिएको छ।

५० हजार राशिको पुरुस्कार इवालिम्बु र केसीलाई संयुक्त रुपमा प्रदान गरिएको हो।

महानगरीय प्रहरी परिसरका प्रमुख एसएसपी वसन्तकुमार लामा र बंगलादेश बैंकका कार्यकारी अधिकृत ज्ञानेन्द्रप्रसाद ढुङ्गानाले संयुक्त रुपमा उत्कृष्ट प्रहरी अधिकारीहरुलाई पुरुस्कार प्रदान गरेका हुन्।

यस्तै प्रहरी निरीक्षकमा परिसरका अनिलकुमार अधिकारी र दरबारमार्गका जितेन्द्र श्रेष्ठले ३५ हजार राशिको पुरुस्कार पाए। साउन महिनाका उत्कृष्ट सईमा लैनचौरका मिनबहादुर खड्का र दरबारमार्गका पूर्णबहादुर कठायतलाई दिइयो। दुबैले २५ हजार राशीको पुरस्कार हात पारेका हुन्।

असईहरुमा सुरेन्द्रबहादुर बसेल फर्पिङ र महाराजगञ्जका विश्वभूषण खड्कालाई २० हजार, प्रहरी हवल्दार दरबारमार्गका किशोरकुमार गोले र साँखु प्रभागका रूपबहादुर थापा १५ हजार प्राप्त गरे।

वृत्त बालाजुमा कार्यरत प्रहरी जवान कमलप्रसाद देवकोटा साउन महिनाको उत्कृष्ट प्रहरी जवान बने। उनले एकलरुपमा १० हजार राशिको पुरस्कार प्राप्त गरेका हुन्।

महानगरीय प्रहरी परिसर काठमाडौंद्वारा बंगलादेश बैंकसँगको सहकार्यमा हरेक महिना उत्कृष्ट कार्य गर्ने प्रहरी अधिकारीलाई पुरस्कृत गर्दै आएको हो।

यो सामाग्री पढेर तपाईलाई कस्तो महसुस भयो ?

View all articles by
बुध, भदौ २०, २०७५ (September 5, 2018, 2:21 pm) मा द्वारा राष्ट्रिय समाचार अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै