दशैंको अग्रिम टिकट बुकिङ खुल्यो

सरकारले आगामी ५ असोजदेखि दशैँको अग्रिम टिकट बुकिङ खुल्ला गरेको छ । यातायात व्यवस्था विभागका महानिर्देशक लावन्यकुमार ढकालको संयोजकत्वमा आइतबार व्यवसायी र सरकारविच भएको छलफलले आगामी ५ असोजबाट दशैंका लागि टिकट बुकिङ खोल्ने निर्णय गरेको हो ।

विभागका प्रवक्ता गोकर्णप्रसाद उपाध्ययले दशैंका लागि अग्रिम टिकट खोल्ने सहमति भएको बताए । व्यवसायीले यातायात समितिका बैंक खाता खोल्नुपर्ने,वैज्ञानिक भाडा दर लागु गर्नुपर्ने,बिमा संबन्धी विषय लगायतका मागहरु राखेका थिए । ती मागहरुमा सहमती भएपछि टिकट खुल्ने भएको हो । सरकारले यसअघि नै यातायात समितिका नाममा रहेका बैंक खाता खोल्ने निर्णय गरेको थियो । तर ती समितिहरु कम्पनीमा दर्ता भएको हुनुपर्ने विभागको भनाई छ ।

नयाँ भाडादर पनि समायोजन गर्ने सहमति भएपछि टिकट खुल्ने भएको हो । सरकारले गत जेठमा देशभरका यातायात संघ, समितिका नाममा रहेका करिब २ सय ४० वटा बैंक खाता रोक्का गरेको थियो ।

गत १८ चैतमा सरकारले यातायात क्षेत्रमा रहेको सिन्डिकेट हटाएपछि असन्तुष्ट बनेका व्यवसायीहरु दसैंको मौका छोपेर सरकारसँग बार्गेनिङ गरिरहेका थिए् । सरकार र व्यवसायी विच पटक पटक भएको छलफलमा सहमति हुन नसक्दा गत २४ मा खुल्ने भनिएको दशैंको अग्रिम टिकट बुकिङ खुल्न सकेको थिएन । पेट्रोलियम पदार्थको मुल्य बढिरहेका बेला भाडा दर वृद्धि नहुँदा समस्या भएको व्यवसायीको भनाई थियो । व्यवसायीका बैंक खाता खोल्ने निर्णयपछि भाडादरमा पनि परिमार्जन गर्ने सरकारले सहमति जनाए सगै टिकट बुकिङ खुल्ने भएको हो । विभागका अनुसार ४ असोजदेखि टिकट काउन्टर राख्ने तथा अनुगमनको मोडालिटी तयार पारिनेछ ।

हरेक दसैंमा उपत्यकाबाट करिब २० लाखको हाराहारीमा यात्रु बाहिरिने गरेका छन् । दसैंका लागि काठमाडौंबाट विभिन्न जिल्लाका लागि छुट्ने बस, माइक्रो र सुमोको अग्रिम टिकट बुकिङ्ग २४ भदौमा खुल्ने भएनिएपनि व्यवसायी र सरकारविच सहमति हुन नसक्दा टिकट बुकिङ खुल्न सकेको थिएन ।

यातायात व्यवसायीले २०६९ सालदेखि वैज्ञानिक भाडादर कायम गर्न सरकारसँग लगातार छलफल गरिरहेका छन् । साथै बिमा लगायतका अन्य विषयमा पनि सरकारसँग सहमति हुन सकेको थिएन ।

विभागका अनुसार यातायात क्षेत्रको सिन्डीकेट खारेज भएयता ३ सयको हाराहारीमा समितिहरु कम्पनीमा दर्ता भएका छन् । त्यस्तै,सिन्डीकेट खारेज भएयता साढे ११ सयको हाराहारीमा नयाँ यातायात कम्पनीहरु दर्ता भएका छन् ।

यो सामाग्री पढेर तपाईलाई कस्तो महसुस भयो ?

View all articles by
सोम, अशोज १, २०७५ (September 17, 2018, 9:03 am) मा द्वारा राष्ट्रिय समाचार अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै