विप्लव समूहका नेता धर्मेन्द्रसहित तीन जनालाई अदालतमा पेश गरिने

प्रहरीले पक्राउ गरेका नेपाल कम्युनिस्ट पार्टी ‘विप्लव समूह’का नेता धर्मेन्द्र बास्तोलासहितका नेताहरुलाई कानुनविदहरुले भेटेका छन् । महानगरीय प्रहरी परिसर ललितपुरको हिरासतमा राखिएका वास्तोलासहितका नेताहरुलाई शुक्रबार बिहान सरोकारवालाहरुले भेटेका हुन् ।

नेपाल बार एसोशिएसनका अध्यक्ष तथा वरिष्ठ अधिवक्ता चण्डेश्वर श्रेष्ठ, संविधानसभा सदस्य तथा वरिष्ठ अधिवक्ता एकराज भण्डारी, नेपाल बारका केन्द्रीय सदस्यद्वय अधिवक्ताहरु खिमानन्द अधिकारी र प्रकाश महर्जन तथा सर्वोच्च अदालत वार एशोसिएसनका सदस्य अधिवक्ता कपिलचन्द्र पोखरेल सहितले परिसरमा पुगेर उनीहरुलाई भेटेका हुन् । पक्राउ परेकाहरुको शरीरमा नील डाम र चोट देखिएको भेट्न गएका एक सदस्यले बताए ।

विप्लव समूहका केन्द्रीय सचिवालय सदस्य बास्तोलासहित नेताहरु विवेक कुमल र अर्का राजन रखाललाई प्रहरीले राजनीतिक प्रशिक्षणका क्रममा बुधबार पक्राउ गरेको थियो । त्यसक्रममा प्रहरीले एक थान ल्यापटप, आइफोन २ थान र केही नगद समेत नियन्त्रणमा लिएको थियो । उनीहरुलाई आजै अदालत पेश गर्ने तयारी गरेको बुझिएको छ ।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
शुक्र, माघ २, २०७७ (January 15, 2021, 1:32 pm) मा द्वारा राष्ट्रिय समाचार अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै