झापा ।
लकडाउनले गरिव तथा मजदुरहरू समस्यामा परेपछी देशैभर राहत कार्यक्रम चलिरहेकाे छ । स्थानिय तह तथा विभिन्न संघ संस्थाहरूले राहत वितरण तिव्र पारेकाछन तर सबै ठाउँमा राहत वितरण निश्पक्ष नभएकाे गुनासाे पनि आइरहेकाेछ ।
यस्तै झापाकाे बुद्धशान्तिमा स्थानिय तहले वितरण गरिरहेकाे राहत कार्यक्रम भने स्थगित भएकाेछ । राहत वितरण अन्यायपुर्ण भएकाे भन्दै झापाकाे बुद्धशान्ती- ४, सट्टाभर्ना क्षेत्रका स्थानियले बिराेध जनाएपछी राहत वितरण स्थगित गरिएकाे हाे ।
सर्वपक्षिय भेलाबाट वडा मार्फत नामवली तयारी गरी राहत स्वरूप सबैलाई बराबर मात्रामा चामल, दाल, तेल, नुन र साबुन वितरण गरिएकाे वडा सदस्य फौदराज शेर्माले बताएका छन् । तर स्थानियले भने तयार पारिएकाे नामावलीमा जनप्रतिनिधिले नाम परिवर्तन गरी र आफ्नालाई समावेश गरेकाे आरोप लगाएका छन ।
सर्वपक्षिय भेलाबाट अनुमोदन गराएकाे नामावली भएपनि स्थानीयले बिरोध गरेपछि बितरण कार्य अहिलेलाई रोकिएकाे वडा सदस्यकाे भनाइ छ । उनले भने- “सबै सरोकारवालाहरु संग छलफल गरी भोलि बिहान सम्ममा ठोस निष्कर्षमा पुगि भोलि बेलुका उक्त क्षेत्रको राहत वितरणलाई निरन्तरता दिन्छाै ।”
