लम्की, कैलाली ।
कैलालीकाे लम्किचुहा नगरपालिकाका क्वारेन्टिनबाट घर फर्किए पछी मृत्यु भएका युवकको कोरोना रिपोर्ट नेगेटिभ आएको छ । रिपोर्ट नेगेटिभ आएपछि अब शवको व्यवस्थापनमा लागेको प्रहरीले जानकारी दिएको छ ।
कोरोना रिपोर्ट नआउदा शव २४ घण्टादेखि सडकमै छोडिएको थियो । १४ दिन क्वारेन्टिनमा बसेर आइतबार घर फर्किएका कैलालीको लम्कीचुहा नगरपालिका वडा नम्वर ७ का ३६ वर्षिय युवकको सोमवार साँझ मृत्यु भएको थियो ।
आइतबार आरडिटी परीक्षणमा नेगेटिभ रिपोर्ट आएपछि उनलाई होम क्वारेन्टिनमा बस्न भनेर घर पठाइएको थियो। मृत्यु भएका युवक जेठ २६ गते भारतको हल्द्धानीबाट नेपाल आएर लम्कीचुहा ७ को बालसेवा माध्यामिक विद्यालय चागाबाडिमा बनाइएको क्वारेन्टीनमा थिए ।
