काठमाण्डाै ।
गत शनिबार नेपाल प्रवेश गरेको सलह कीरा कैलालीको लम्कि पुगेको छ । लम्किचुहा नगरपालिका वडा नम्बर १ थपालिपुरको बारिमा सलह देखिएको सलह नै भएको लम्की चुहा कृषि साखाले जानकारी दिएको छ ।
सोमबार बिहान लम्किचुहा नगरपालिका वडा नम्बर १ मा स्थानिय लक्ष्मी रावलको वारि लगायत अन्य आसपासका क्षेत्रमा सलह देखिएको जानकारी दिनु भएको थियो ।
मंगलबार साझ लम्किचुहा कृषि शाखाको टोलिले स्थलगत अध्यायन गरेको थियो । उक्त स्थानमा कीट बिज्ञ दिवाकर गौतम,लम्की चुहाका निमित्त प्रमुख प्रसासकिय अधिकृत बिक्रम चौधरी,कृषि साखाका सुरेश ढुंगाना, कृषि बिज्ञ गिरिजा चौधरी लगायतकाको टोलिले अध्यन गर्दै सलह भएको पुष्टि गरेको हो ।
स्थानीय लक्ष्मी रावलले सलहलाई आफुहरुले मारेर एक किलो जति राखेको पनि बताउनु भयो । सर्लाही, बारा र पर्सा, रूपन्देही, कपिलवस्तु र पाल्पा, नवलपरासी, अर्घाखाँची र दाङ स्याङ्जा, कास्की, पूर्वी नवलपरासी, गोरखा मकवानपुर, चितवन, सिन्धुली, काभ्रे र ललितपुर लगायतका जिल्लाहरूमा सलह देखिसकेको छ ।
सलह आज हावासँगै पश्चिमतिर सरेको हुन सक्ने विज्ञहरुले बताएका छन् । अफ्रिकी देशबाट भारत हुँदै बिहारबाट नेपालसम्म पसेको हो । कीट बिज्ञ दिवाकर गौतमले सलह भएको बताउनु भयो । 
