बाढी पहिरो

पहिरोको वितण्डा, बाजुरामा बाढी

आइतबार रातिको अविरल वर्षासँगै आएको बाढी, पहिरोले बुढीगंगा नदी बस्तीमा पसेको छ। नदी बडिमालिका नगरपालिकाको घागर, रापक, जडाङ्गा, तिपाडा, ओलेना, लगायतका बस्तीमा पसेको हो।

बाढीमा परी बडिमालिका नगरपालिका–२ का वडा अध्यक्ष डम्बर महत्तकी आमा ६५ वर्षीया अइसेनी महत्त बेपत्ता भएको जिल्ला प्रहरी कार्यालयले जानकारी दिइको छ। लगातार अत्याधिक पर्दा नदीमा बहाब बढेर साफेँ-मार्तडी सडकस्थित बुढीगंगा नदीको जडाङ्गामा बनाइएको बेलीब्रिज बगाएको प्रहरीले जनाएको छ।

नदीमा पानीको बहाब बढेपछि नदी किनारका बस्तीका स्थानीय विस्थापित भएका छन् भने लाखौँको धनमालको क्षति भएको छ। नदी बस्तीमा पसेको खबरपछि नेपाल प्रहरी, सशस्त्र प्रहरीको उद्धार टोली सोमबार बिहान ३ बजे सदरमुकाम मार्तडीबाट हिडेपनि बाटोमा पहिरोको कारण बिहान मात्र घटना स्थलमा पुगेको जिल्ला प्रहरी कार्यालयले जानकारी दिएको छ।

टोली घागर, रापक जडाङ्गा, क्षेत्रमा पुगेर बेपत्ता महिलाको खोजी र विस्थापित परिवारको उद्धारमा खटिएको प्रहरीको भनाइ छ। जिल्लाका अन्य ठाउँमा पनि ठूलो क्षतिको आएको र यसबारे थप जानकारी लिने काम भइरहेको र कतिपय स्थानमासम्पर्क हुन नसेको प्रहरीले जानएको छ।

बुढीगंगा नदीको बाढीले आधा दर्जन बढी झुलङ्गे पुलहरु बगाएको छ। स्थानीयहरु ज्यान जोगाउन भागदौड गरिरहेका एक स्थानीयले जानकारी दिए। सयौँ चौपाया बगाएका छन्। सयाँै रोपनी खेतियोग्य जमीन बगरमा परिणत भएको छ।

त्यस्तै गौमुल गाउपालिका–१ सिममा घर भत्किँदा ८ परिवार विस्थापित भएका छन्। घर माथिबाट पहिरो आएपछि स्थानीय भागेर बाच्न सफल भएपनि चौपायसहित धनमाल सबै पुरिएको स्थानीय धर्म रोकायाले जानकारी दिए। त्यस्तै बुढिगंगा नगदिले गौमुल गाउपालिकाकाका ४ भन्दा बढी झोलुङ्गे पुल बगाएको छ। नदी छेउका बस्तीबाट स्थानीय बिस्तापित भएका छन्। घटनास्थलमा प्रहरी पुगिसकेका छैन स्थानीय जनप्रतिनिधिहरुले उद्धार गरिरहेको गौमुल गाउपालिका–१ का वडा अध्यक्ष बलबहादुर रोकायाले जानकारी दिए।

त्यस्तै बुढीगंगा नगरपालिका–२ को ताप्रीसेरामा बुढीगंगा नदीले एक किराना पसल बगाएको छ। किसन बिष्टको किराना पसल बगाएको बुढीगंगा नगरपालिक–२ का वडा अध्यक्ष हिरालाल थापाले बताए।

नदीभन्दा निकै माथि सडक छेउमा भएको पसल बगाएको वडा अध्यक्ष थापाले जानकारी दिए। ‘निकै माथि थियो नदी पूग्ला भन्ने कल्पनासमेत गरिएको थिएन राति कति खेर बगायो थाहा नै भएन।’ थापाले भने। विष्ट परिवार साँझ पसल बन्द गरेर ससुराली गएका कारण मानवीय क्षति हुनबाट जोगियो वडा अध्यक्ष थापाको भनाइ छ।
नदिले छेउमै रहेका बंगुर, हाँस र टर्की समेत बगाएको वडा अध्यक्ष थापाले जानकारी दिए।

बाढीले बुढीगंगा नदि छेउछाउका बस्तीमा ठूलो क्षति पु¥याएको जिल्ला प्रहरी कार्यालयले जनाएको छ।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
सोम, साउन २६, २०७७ (August 10, 2020, 12:42 pm) मा द्वारा प्रदेश नं- ७ अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै