काठमाण्डाै ।
आज कैलालीका थप १३ जनामा कोरोना संक्रमण पुष्टि भएको छ। सेती प्रादेशिक अस्पतालको प्रयोगशालामा शनिवार भएको परीक्षणमा कैलालीका नौँ पुरुष र चार महिला गरी १३ जनामा संक्रमण पुष्टि भएको हो।
प्रादेशिक अस्पतालका अनुसार कैलालीको लम्कीचुहा नगरपालिकाका ७ जना, कैलारी गाउँपालिका वडा नम्वर ६ का तीन जना र भजनी नगरपालिका वडा नम्वर ७ का एक जना र धनगढीका दुई जनामा पनि कोरोना पुष्टि भएको हाे।
धनगढी उप–महानगरपालिका वडा नम्वर १ का ५१ बर्षीय पुरुष र वडा नम्वर ५ की ३५ बर्षीया महिलामा संक्रमण पुष्टि भएको सेती प्रादेशिक अस्पतालले जानकारी दिएकाे छ।
शनिवार १३ जना संक्रमित थपिएसंगै कैलालीमा संक्रमण पुष्टि हुनेको संख्या एक हजार चार सय १९ पुगेको छ। संक्रमण पुष्टि भएका एक हजार दुई सय बढि संक्रमित निकाे भइसकेका छन भने चार जनाको मृत्यु भएको छ।
