गुड नेवर्श ईन्टरनेसनल नेपालको आर्थिक सहयोग सेवक नेपालको सहकार्य र लम्की चुहा शिक्षा साखाको समन्वयमा कैलालीको लम्की चुहा नगरपालिका भित्रका ४ वटा विद्यालयलाई ईलेक्ट्रोनिक्स सामाग्री सहयोग गरिएको छ । लम्कीचुहा नगरपमलीका कार्यालयमा सरस्वती माध्यमिक विद्यालय कौवापुर, जनप्रभात माध्यमिक विद्यालय तिलकपुर, सरस्वती माध्यामिक विद्यालय भुरुवा र बाल कल्याण माध्यमिक विद्यालय भुरुवा लाई सामाग्री हस्तान्तरण गरिएको हो ।
४ वटा विद्यालय लाई ३ लाख ३० हजार बराबरको सामाग्री हस्तान्तरण गतिएको हो ।जस अन्तर्गत बालकल्याण माध्यमिक विद्यालय लाई १ थान प्रोजेक्टर, मल्टिमिडिया १ थान, ल्यापटप १ थान, सरस्वती माध्यमिक विद्यालय कौवापुर लाई १ थान प्रोजेक्टर, १ थान ल्यापटप,१ थान साउण्ड सिस्टम, सरस्वती माध्यमिक विद्यालय भुरुवा लाई १ थान ल्यापटप १ थान प्रोजेक्टर र जन प्रभात माध्यमिक विद्यालय तिलकपुर लाई १ सेट साउण्ड सिस्टम हस्तान्तरण गरिएको छ ।
सामाग्री हस्तान्तरण पछि बोल्दै लम्किचुहा नगरपालिकाकि उप प्रमुख टीका थापाले गुड नेवर्सको काम निकै राम्रो भएकाले सामाग्री नभएका अन्य विद्यालयमा सक्दो सहयोग गर्न अनुरोध गर्नु भयो ।
बाल कल्याण माद्यामिक विद्यालयका प्रध्यानाध्यापक रुप लाल न्यौपानेले सहयोग गर्ने संस्थालाई धन्यवाद दिदै आगामी दिनमा पनि सहयोगको अपेक्षा गर्नु भयो ।
गुड नेवर्सका जिल्ला संयोजक देबेन्द्र भण्डारीले अहिलेको समय प्रबिधिको भएकाले आफुहरुले ईलेक्ट्रोनिक्स सामान दिएको बताउनु भयो । आफुहरुले शिक्षा क्षेत्रमा मात्र नभएर अन्य स्वास्थ्य क्षेत्रमा पनि सहयोग गरेको बताउनु भयो । आगामी दिनमा पनि नियमित सामाग्री सहयोग गर्दै जाने समेत जानकारी गराउनु भयो ।