लम्की,कैलाली ।
कैलालीको मोहन्याल गाउँपालिका अध्यक्ष नवल सिंह रावको निधन भएको छ। काठमाडौं स्थित अन्नपूर्ण न्युरो अस्पतालमा उपचार अध्यक्ष रावलको ७७ वर्षको उमेरमा निधन भएको हो।
लामो समयदेखि रक्त चापले ग्रसित रावललाई ४ दिन अघि ब्रेन हेमब्रेज भएको थियो। उनलाई कोहलपुर मेडिकल कलेज हुँदै थप उपचारका लागि काठमाडौँ लगिएको थियो। गाउँपालिका अध्यक्ष रावलको निधन संगै मोहन्याल शोकमा डुबेको छ। सादा जीवन र उच्च बिचारका रावल मोहन्याली जनताका धरोहर थिए ।
सादा जिवन र उच्च विचार र निष्ठाको राजनीति गर्ने रावललाई , एक युग पुरुष र सच्चा कम्युनिस्ट नेताको रुप चिनिन्छ। आफ्नो पुरै जिबन देश र जनताको निम्ति त्याग गरेका रावल नेकपा एमालेका लोक प्रिय नेताको रूपमा पार्टीले चिन्ने र पार्टीलाई अतुलनीय क्षति भएको नेकपा एमाले नेता रतन थापाले बताए ।
२० वर्षको उमेर देखि सक्रिय राजनीतिमा लाग्नुभएका रावल नेकपा एमालेको बाट मोहन्याल गाउँपालिकाको अध्यक्षमा निर्वाचित हुनु भएको थियो।
