लम्कीचुहा नगरपालिका २ गणेशपुरमा वाइसिएल वडा नम्बर २ को कमिटिले निशुल्क अटो एम्बुलेन्स सेवा , इमन्जेन्सि हेल्प डेस्क संचालनमा ल्याएको छ । केहि दिन अघि देखि यो सेवा सुरु गरेको अभियान्ता सन्जु शाहीले जानकारी दिनुभयो ।

कोरोना माहामारी संग लड्ने अभियानमा आफुहरुको केहि पहल होस भनेर यि सेवाहरु सुरु गरेको थअ िलम्की चुहा २ को कमिटिले जनाएको छ । पहिल्लो समय केहि सामान्य बिरामी भएपनि अस्पतल जान समस्या भएकाहरुको सहजताका लागी आपतकालीन निशुल्क अटो एम्बुलेन्स सेवा सुरु गरेको उनीहरुले बताएका छन ।

यति मात्र होइन उक्त टिमले आज ३ वटा परिवारलाइ राहत सामाग्री समेत वितरण गरेको छ । प्रति परिवार लाई ३० किलो चामल, २ किलो दाल, २ पोका तेल, २ किलो नुन, सोडा साबुन वितरण गरेको छ ।

केहि दिन अगाडी मोतिपुर निवासी पुर्ण जनमुक्ती सेना, अपांगता भएका व्यक्तीलाइ ५० किलो चामल, ४५ किलो गहुँ, ५ प्याकेट सोडा, ३ लिटर तेल, साबुन, ४ किलो दाल वितरण गरेको थियाे ।

अहिले आफुहरुले विपन्न र अपांगता भएकाहरुलाई आफुहरुले वितरण गरिरहेका अभियान्ता सन्जु शाहीले जानकारी दिनुभयो । निशुल्क अटो एम्बुलेन्स सेवा लिन ९८४५९९७२९८, ९८६०५३०५९३ मा सम्पर्क गर्न सकिने छ ।

यस्तै कैलालीको बलिया बजारमा समेत युवाहरुले हेल्प डेस्क संचालनमा ल्याएका छन । कोरोना संग युवाहरु एक भएर हेल्प डेस्क संचालनमा ल्याएको ति युवाहरुको भनाई छ ।