पाखुराको हड्डी दुई ठाउँमा भाचिएकाे र जाेडिएकाे तस्वीर
आइतवार, माघ २, २०७८, लम्कि, कैलाली ।
कैलालीको लम्की स्थित लालरत्न अस्पतालमा दुई ठाउँमा भाचिएको हड्डीको सफल अपरेसन भएको छ ।
लम्की चुहा नगरपालिका वडा नम्बर मा बस्ने ३६ बर्षका चण्डीका प्रसाद उपाध्यायको दुई ठाउँमा भाचिएको हड्डीको सफल अपरेसन भएको हो ।
लम्कीमै दुई ठाउँमा भाचिएको हड्डीको अपरेसन भएपछि उपचारकै लागी धनगढी, नेपालगन्ज जानू पर्ने बाध्यता हटेको छ । हाड जोर्नी तथा नसा रोग विशेषज्ञ डाक्टर सागर गिरि लगायत टोलिले यो अपरेसन सफल गरेको अस्पतालले जनाएको छ ।
अस्पतालमा अहिले चौबीसै घण्टा एमबिबिएस डाक्टर र हरेक हप्ता बिशेषज्ञ डाक्टरहरुले सेवा दिइरहेका छ्न । अस्पतालमा अहिले दीर्घकालीन मुटुको रोग, ब्लड प्रेससरको समस्या, सुगर, दम, कोलस्टोर लगायत अन्य सम्पुर्ण रोगको उपचार हुँदै आएको अस्पतालले जनाएको छ ।
अस्पतालमा अहिले इन्डोस्कोपी सेवा पनि सुचारु भएको छ ।
