‘प्रकाण्ड अपराधी नै हुन्’– गृहमन्त्री ‘बादल’

शुक्रबार, साउन २५, २०७५, । 

चितवन। गृहमन्त्री रामबहादुर थापा ‘बादल’ले नेत्र विक्रम चन्द ‘विप्लव’ नेतृत्व (नेकपा)का नेता खड्गबहादुर विश्वकर्मा ‘प्रकाण्ड’ अपराधी नै भएका दाबी गरेका छन्

‘प्रकाण्ड अपराधी हुन् त्यसै पक्राउ गरिएको होइन । उनलाई चन्दा आंतक र राज्यलाई विध्वंश गरेको अभियोगमा ‘मोष्टवान्टेड’ सूचीमा प्रहरीले राखेका थिए । त्यसैले कसैलाई पनि अपराध गर्ने छुट छैन,’ मन्त्री थापाले भने ।

तपाईंकै निर्देशनमा पक्राउ गरिएको हो भन्ने पत्रकारको प्रश्नमा उनले ‘अहिलेको गृहमन्त्री बादल हो, अपराध नियन्त्रण गरी जनतालाई सुशासन र शान्ति सुरक्षा दिने दायित्व गृहमन्त्रीको हो,’ भन्ने जवाफ दिए ।

राजनीतिक रुपमा समस्या समाधान गर्न सरकार वार्ता र संवादका लागि पनि तयार रहेको मन्त्री बादलको भनाई छ ।

साथै उनले अहिले सरकार विकास निर्माणका कार्यमा तीव्र गतिमा लागिरहेको पनि बताए । ठेकेदारहरुलाई कारवाही नगरेको भन्ने प्रश्नमा उनले भने, ‘अहिले ठेकेदारहरुलाई ताकेता गर्दै विकास निर्माणका काम तीव्र गतिमा अघि बढाइएको छ , काम नगर्नेहरुलाई कारबाहीको आवश्यक प्रकृया पनि चलिरहेको छ ।’ शुक्रबार गृहजिल्ला चितवन आएका गृहमन्त्री बादलले भरतपुर विमानस्थलमा पत्रकारहरुसँग कुरा गर्दै प्रकाण्ड अपराधी नै भएकाले पक्राउ गरेको प्रष्ट पारे ।

यो सामाग्री पढेर तपाईलाई कस्तो महसुस भयो ?

शुक्रबार, साउन २५, २०७५ (August 10, 2018, 11:13 am) मा द्वारा संसद / राजनिती अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै

ट्रेन्डिङ