प्रधानमन्त्री माथि लगाएको अभियोग पत्र फिर्ता लिएर निर्वाचनमा सहभागी भए पार्टी एकता कायम हुन्छ- ईश्वर पोखरेल

नेपाल कम्युनिष्ट पार्टी (नेकपा) ओली समुहका नेता ईश्वर पोखरेलले गत कात्तिक २८ गतेको सचिवालय बैठकमा पुष्पकमल दाहालले पेश गरेको राजनीतिक दस्तावेज फिर्ता लिएर निर्वाचनमा जान सहमत भएको पार्टी एकता कायम रहने बताएका छन्।

वागमती प्रदेश कमिटीले धुम्वाराहीस्थित पार्टी कार्यालयमा आयोजना गरेको कार्यक्रममा नेता पोखरलले प्रधानमन्त्री ओलीमाथि लगाएको ‘अभियोग पत्र’ फिर्ता लगेर निर्वाचनमा जान तयार भए पार्टी एकता कायम रहने बताएका हुन्।

‘पार्टी एकतालाई कायम राख्ने हो भने गत कार्तिक २८ गते ‘प्रचण्ड’ले सम्माननीय प्रधानमन्त्री ज्यूलाई लगाएको जुन गम्भीर अभियोग छ, त्यो अभियोग पत्र फिता लिनुपर्छ र घोषणा भइसकेको निर्वाचनमा सहभागी हुनका लागि तयार हुनुपर्छ,’ पोखरेलले भने।

दाहालले पेश गरेको राजनीतिक दस्तावेजलाई ओली पक्षले ‘आरोप पत्र’ भन्दै आएको छ।

अर्को प्रसंगमा उनले निर्वाचन आयोगले हिजो गरेको निर्णयले प्रधानमन्त्री ओलीको अडानलाई बल पुगेको बताए। ‘हामी निर्वाचन आयोगको निर्णयलाई सम्मान गर्छौं,’पोखरेलले भने, ‘शुरुदेखि नै केपी शर्मा ओलीले नेतृत्व गरेको नेकपाको तर्फबाट जे अडान राखिएको थियो, त्यो अडानलाई बल पुग्ने स्थिति हामीले देखेका छौं।’

यसअघि आइतबार निर्वाचन आयोगले दुवै समूह (प्रचण्ड–नेपाल र ओली समूह) लाई आधिकारिकता दिन नसकिने बताएको थियो।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
सोम, माघ १२, २०७७ (January 25, 2021, 4:28 pm) मा द्वारा मुख्य समाचार अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै