प्रचण्ड-माधव नेतृत्वको नयाँ सरकार गोरु ब्याएर बिगौती खान खोजे जस्तो मात्रै हाे

प्रधानमन्त्रीको प्रेस सल्लाहकार सूर्य थापाले विभाजित नेकपाको अध्यक्षद्वय पुष्पकमल दाहाल प्रचण्ड र माधवकुमार नेपालको नेतृत्वबाट नयाँ सरकार बन्ने सम्भावना कुनै पनि हालतमा नभएको बताएका छन्।

उनले सामाजिक सञ्जाल फेसबुकमार्फत् प्रचण्ड-माधव नेतृत्वको नयाँ सरकार बन्ने सम्भावना असम्भव भएको बताएका छन्। उनले प्रचण्ड-माधव नेतृत्वप्रति कटाक्ष गर्दै गोरु ब्याएर बिगौती खान खोजेजस्तो मात्र भएको टिप्पणी गरेका हुन्‌।

‘पुष्पकमल दाहाल प्रचण्ड र माधवकुमार नेपालको नेतृत्व प्रधानमन्त्रित्वमा नयाँ सरकार बन्ने संभावना त शून्य बराबर, अर्थात् असम्भव नै छ,’ उनले लेखेका छन्, ‘यो गोरु ब्याएर बिगौती खान खोजेजस्तो मात्र हो। कान्तिपुरी नगरी परिक्रमाले देखाएको, अरू हेर्दै जाऔँ।’

प्रधानमन्त्री केपी शर्मा ओलीले पुष ५ गते गरेको संसद विघटन सर्वोच्च अदालतले बदर गरिदिएपछि प्रचण्ड-माधव पक्ष नयाँ सरकार गठनका लागि सहकार्य खोजिरहेका छन्।

उनीहरूले प्रमुख प्रतिपक्षी दल नेपाली, कांग्रेस, जनता समाजवादी पार्टी (जसपा) र उपाध्यक्ष वामदेव गौतमसँग समेत परामर्श गरिरहेका छन्।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
बिहि, फाल्गुन १३, २०७७ (February 25, 2021, 12:57 pm) मा द्वारा मुख्य समाचार अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै