शनिवार पूर्व प्रधानमन्त्री एवम् नेकपा एकालेका अध्यक्ष केपी शर्मा ओलीले कैलालीको लम्कीमा आयोजित चुनावी सभालाई सम्बोधन गर्दै थिए । उनले निवर्तमान सांसद झपट बहादुर रावलको खुलेरै प्रशंसा गरे । त्यत्तिकैमा जनमासबाट आवाज आयो । झपट रावललाई मन्त्री बनाउनु पर्यो ।

बोल्दै गरेका ओलिले रावललाई मन्त्री बनाउनु पर्ने मासबाट आएको आवाजलाई लक्षित गर्दै उनले थपे,… “यो मैले भनेर हुने कुरा होइन । ल मैले भनेर केही साथीहरू मान्नु पनि होला तर निर्णय त पार्टीले नै गर्ने हो । तपाईँको माग मैले सुने । मेरो ध्यान त्यसमा केन्द्रित हुन्छ नै । तर यहाँबाट रावलजीलाई जिताएर पठाउनुस् ।”