काठमाडौँ । ओडीआई अन्तर्गत पहिलो एकदिवसीय खेलमा नेदरल्याड्ससँग हारेको नेपाल दोस्रो खेलमा बदला लिने दाउमा छ ।

शुक्रबार २ः४५ बजे नेपालले र नेदरल्याण्ड्ससँग उसकै घरेलु मैदानमा प्रतिष्पर्धा गर्दैछ ।

भिआरए मैदानमा हुने खेलमा बुधबार भएको पहिलो नेदरल्याण्ड्ससँग भएको ५५ रनको हारलाई बिर्साउने गरी मैदानमा उत्रिने दाउमा छ, अर्थात उच्च मनोबलका साथ मैदानमा उत्रिने नेपालको लक्ष्य बराबरी गर्ने हुनेछ ।

नेदरल्याण्ड्सको निमन्त्रणामा त्यहाँ पुगेको नेपाली टोलीमा पारस खड्का (कप्तान), अनिलकुमार साह, वसन्त रेग्मी, दीपेन्द्रसिंह ऐरी, ज्ञानेन्द्र मल्ल, करण केसी, ललित भण्डारी, ललित राजवंशी, आरिफ शेख, रोहितकुमार पौडेल, सन्दीप लामिछाने, शक्ति गौचन, शरद भेषवाकर, सोमपाल कामी, सुवास खकुरेल छन् ।

नेदरल्यान्ड्स टोलीमा पिटर सिलार (कप्तान), वेस्ले बारेसी, बास डे लिडी, बेन कुपर, स्कट इडवार्ड्स, फ्रेड क्लासन, हिडे ओभरजिक स्टेफिन माइबुर्घ, पाउल भान मीकेरेन, म्याक्स ओडोड, हिडी ओभरजिक्स, मिचेल रिप्पोन, सेन स्टनर, ड्यानियल टेर ब्राक छन् ।

नेपालले अन्तर्राष्ट्रिय क्रिकेट काउन्सिल (आइसिसी)बाट एक दिवसीय मान्यता पाएयता खेल्न लागेको यो दोस्रो अवसर हो । यसैले पनि नेपाली टोली उत्साहित छ ।