चितवन टाइगर्सले आदीअवादी महिला भलिबल (एभीएल) का लागि अनुबन्ध गरेका तीन अमेरिकी खेलाडी बिहीबार काठमाडौं आइपुगेका छन् । आदीअवादी फाउन्डेसनका नेपाल प्रमुख सूर्य गुरुङले तीन अमेरिकी खेलाडीलाई त्रिभुवन अन्तर्राष्ट्रिय विमानस्थलमा स्वागत गरेका थिए । अमेरिकन खेलाडीमा जासन ब्रिक्र्स, टे«स राउन्ड ट्री र डलटोन टु जोन रहेका छन् । उनीहरूले स्पाइकर र ब्लकरको भूमिका निर्वाह गर्नेछन् । चितवन टाइगर्सका अन्य खेलाडीमा राष्ट्रिय खेलाडी अरुणा शाहीले सेटरको भूमिकामा कोर्टमा उत्रिनेछन् । पुनम चन्दले ब्लकर र स्पाइकरको जिम्मेवारी सम्हाल्नेछन् । त्यस्तै, अन्य खेलाडीमा सजना महतो, लिब्रो यमकली कुँवर, मोनिका महतो, आरती सुवेदी, जस्ना महतो रहेका छन् । कोचको भूमिका बाबुराम महतोले निभाउनेछन् । एभीएल १३ असोजबाट सुरु हँुदै छ ।
advertisement
