स्मार्ट मास्क

जापानले बनायाे भाषा अनुवाद गर्ने स्मार्ट मास्क

कोरोना भाइरस (कोभिड–१९) महामारीले मानिसको दैनिक जीवनमा परिवर्तनहरू ल्याइदिएको छ। ती परिवर्तनहरूमध्ये दैनिक प्रयोग गर्नुपर्ने मास्क पनि एक हो।

जब मास्क दैनिक जीवनमा प्रयोग गर्नैपर्ने वस्तु बन्यो एक जापानी रोबट कम्पनीले यसलाई अवसरको रूपमा लियो। दोनट रोबोटिक्सले अवसरको रूपमा उपयोग गर्दै स्मार्ट फेस मास्क निर्माण गरेको हो। उक्त मास्कले मुख छोप्ने मात्र नभएर आठ भाषा अनुवाद समेत गर्छ।

कम्पनीले कोरोना भाइरसका कारण सामाजिक दूरी कायम गर्नुपर्ने परिस्थितिमा सञ्चार गर्न सजिलो बनाउने हेतुले सो मास्क निर्माण गरेको बताएको छ।

मास्कले प्रयोगकर्ताको आवाजलाई ठुलो पार्ने तथा बोलेको बोलीलाई आठ फरक भाषामा अनुवाद गर्न सक्छ।

कम्पनीका सीईओ ताइसुकी ओनोले यो मास्क स्तरीय फेस मास्कको रूपमा निर्माण गरिएको बताएका छन्। सास फेर्न सजिलो हुनुपर्ने अनिवार्य भएकाले यसले कोरोना भाइरसबाट सुरक्षित पार्ने प्राथमिकता भने नराखेको उनले बताए। उनका अनुसार यो सेतो प्लास्टिक र सिलिकनले बनाइएको छ। यसमा एउटा माइक्रोफोन जडान गरिएको छ, जसलाई स्मार्ट फोनको ब्लूतुथसँग कनेक्ट गरिन्छ।

यसमा जडित प्रणालीले जापानी भाषा र चिनियाँ भाषा अनुवाद गर्ने सीईओ ताइसुकीले बताए। त्यस्तै कोरियन, भियतनामी, इन्डोनेसियन, अङ्ग्रेजी, स्पेनिस तथा फ्रेन्च भाषा पनि अनुवाद गर्ने उनले बताए।

कम्पनीले सिनामोन नामक अनुवाद गर्ने सफ्टवेर विकास गरेको थियो। तर जब कोरोनाले महामारीको रूप लियो तब उक्त योजना रोकियो। सोही योजना सञ्चालन गरिरहेका प्राविधिक र इन्जिनियरको समूहले फेस मास्कको नयाँ सोँच लिएर आए। अहिले विकसित मास्क सोही सोँचको प्रतिफल भएको सीईओ ताइसुकीले बताएका छन्।

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
शनि, साउन २४, २०७७ (August 8, 2020, 5:39 pm) मा द्वारा काेभिड-१९ अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया