कविता
मित्र किन दौड्नु भाको ?
कहिँ जाँदै हुनुहुन्छ ?
हो म जाँदै छु !
कतै टाढा ।
तर कुनै लक्ष्य बिना
किन र ?
किनकि म जन्मेको देश
मैले भोगेको परिवेश
म जस्तै लक्षहिन छ ।
कुदेर मात्र गन्तव्य भेटिएला त ?
अन्धाधुन्ध कुद्नेहरुले,
गर्न सम्म गरेको थाहा छैन ?
तपाईं जस्तै कति कुदिरहेका
होलान् है !
के म पनि तपाई सङ्ग कुदौं ?
अरुलाई पनि डाकौं ?
भन्नुस् त ! म के गरौं !
हाहाहा ! कुदौं त साँचै ?
कता फर्किएर कुदे राम्रो होला ?
पुर्व पश्चिम वा उत्तर दक्षिण ?
म पनि फेरि एक लक्षहीनलाई
सोधी रहेको छु,
मलाई कुद्नेसँङ्ग लक्ष्य हुन्छ,
भन्ने लागिरहन्छ,
किनकि मैले कुद्नेहरुले नै
जितेको देखेको छु,
त्यसैले होला सायद !
मित्र अब म कुद्दिन कतै
थाहा छ किन ?
किन र ?
किनकि कुद्नेहरुले
देखाइ सकेका छन,
कुदेर लछारपाटो लाग्दैन,
भनेर त्यसैले !
हेर्नुस् त हरुवाहरुलाई
केवल हार्नका लागि कुदेका छन।
- एन .पी .खतिवडा
