झापाकाे बुद्धआदर्श माविको क्वारेन्टाइनमा बसेका मध्ये ५ जनामा काेराेना संक्रमण देखिएकाेछ । जसमा १ जना बुद्धशान्ती गाउँपालिकाको स्थानिय रहेकाे र बाकी अन्य जिल्लाका रहेकाछन ।

यो क्वारेन्टाइनमा झापाका विभिन्न नाकाबाट नेपाल प्रबेश गर्नेहरु राखिएका छन।  आफ्नै गाउँपालिका क्षेत्र र पहाडी जिल्लाका मानिसहरूलाई समेत यहाँ राखिएको छ।

क्वारेन्टाइनमा रहेका १०० जनाकाे पिसिआरका लागी नमुना पठाइएकाे थियाे । जसमा ७९ जनाकाे रिपाेर्ट नेगेटिभ आएकाे थियाे ।

बुद्धशान्ति गाउँपालिका संक्रमित गत जेठ १३ गते भारतको लखनउबाट आएका थिए । उनी सगै आएका अन्य ७ जनाको रिपोर्ट नेगेटिभ आएको छ।

अन्य जिल्लाका ४ जना भने सुनौली नाका हुँदै नेपाल प्रबेश गरेको बुद्धशान्ति स्वास्थ शाखा प्रमुख भोलाप्रसाद अधिकारीले जानकारी दिएका छन्। संक्रमित पाँचै जनालाई आइसोलेसनमा राख्न धरान लैजाने तयारी भैरहेको छ।