झापा ।
झापाको बुद्धशान्ति गाउँपालिकाको क्वारेन्टाइनमा बसेका ६ जनामा कोरोना संक्रमण पुष्टि भएको छ ।
जसमा ३ महिला, ३ पुरुष रहेका छन् । उनीहरुको पिसिअार विधिबाट स्वाब संकलन गरि कोसी अञ्चल अस्पताल बिराटनगर पठाइएकोमा ६ जनाको रिपोर्ट पोजेटिभ आएको बुद्धशान्ति गाउँपालिका स्वास्थ्य शाखा प्रमुख भोला अधिकारीले जानकारी दिनुभएको छ ।
यसबारे स्वास्थ्य मन्त्रालयले औपचारिक रुपमा घोषणा गर्न भने बाँकी रहेको जनाईएको छ ।
यसअघि बुद्धशान्तिको क्वारेन्टाइनमा बसेका ५ जनामा कोरोना पुष्टि भएकाहरु पनि निको भई घर फर्किसकेका छन् ।
