घरेलु उत्पादनलाई प्रवर्धन गर्दै संमृद्धिसँग जोड्ने र रोजगारी सिर्जना गर्ने लक्ष्यका साथ घरेलु मदिरा लोकल रक्सीलाई ‘व्यान्ड होईन ब्राण्ड’ बनाउनु पर्छ भन्ने अभियान साथ लम्कीचुहा नगर पालिकाले लोकल रक्सी ब्राण्डिङ गर्न सुरुवात गरेको छ । नगर प्रमुख सुशीला शाहीले स्थानिय स्तरमा रोजगारी सिर्जना गर्ने र स्थानीय उत्पादनको उपभोग गर्ने कार्यको सुरुवात गर्नु भएको हो ।

लम्कीचुहा नगरपालिकाले लोकल रक्सीको बजारीकरणका लागि कानून निर्माण गर्नुका साथै सामुदाय संग छलफल संगै प्रारम्भिक अध्ययन प्रक्रियाको सुरुवात गरेको नगर प्रमुख शाहीले बताउनु भयो ।

घरेलु मदिरा लोकल रक्सीलाई ‘व्यान्ड होईन ब्राण्ड’ बनाउनुपर्ने अभियान नगर प्रमुख सुशिला शाहीको अवधारणा अनुसार स्थानिय सरकारले लोकल रक्सी उत्पादन, स्तरीकरण, ब्राण्डिङ र बजारीकरणका लागि अध्ययन गरिरहेको छ । यदि यस्तो गर्न सकियो भने सयौं जनता लाभान्वित हुने छ्न ।