प्रेमीकाे प्रपाेजले खुसी बनेकी प्रेमिका चिप्लिएर पहाडबाट खसेपछी

प्रेमका परेका दुई व्यक्तिमा जब प्रेमीले आफ्ना प्रेमिकालाई प्रपोज गर्छ, तब यो क्षण कुनै प्रेमिल जोडीका लागि कम रोमाञ्चक हुँदैन । तर अष्ट्रियामा एक प्रेमीलाई आफ्नो प्रेमिकालाई प्रपोज गर्नु भारी पर्यो । खुसीमा प्रेमिकाको खुट्टा चिप्लियो र उनी पहाडबाट ६५० फुट गहिरो चट्टानमा खसिन् ।

यो घटना अस्ट्रियाको कारिन्थिया इलाकाका हो जहाँ एक जोडीका लागि प्रेमको यो पल भयानक घटनामा परिवर्तन भयो । प्रेमीले प्रेमिकालाई प्रपोज गर्ने बित्तिकै युवतीले खुसी हुँदै प्रपोज स्विकारेको जनाउ दिँदै टाउको हल्लाइन् र यतिबेला उनको खुट्टा चिप्लियो । द सनको रिपोर्ट अनुसार २७ वर्षका एक व्यक्तिले आफ्नी ३२ वर्षीया प्रेमिकालाई कारिन्थियामा प्रपोज गरे । यतिबेला प्रपोजल स्विकार गरेपछि फल्कर्ड पहाडबाट चिप्लिइन् । यो घटना २७ डिसेम्बरको हो । यो जोडी एक दिन अघि पहाडमा ट्रेकिङ गर्न गएको थियो ।

६५० फुट तल खसेपछि पनि युवती बाँच्न सफल भइन् किनभने भारी हिमपातका कारण तल बरफ जमेको थियो जसका कारण उनलाई खासै धेरै चोट लागेन । यस्तै प्रेमिकालाई बचाउनका लागि युवक पनि हाम फाले तर ५० फिट तल पुगेपछि उनी एक चट्टानको बीचमा फसे र उनको पनि ज्यान बच्यो । यद्यपि, यतिबेला युवकको खुट्टा भने भाँच्चियो ।

डेली मेलका अनुसार पहाडबाट खसेपछि महिला एउटा ताल नजिकै बेहोस पाइएकी थिइन् । एक पर्यटकले उनलाई देखेपछि सुरक्षाकर्मीलाई यसबारे जानकारी दिए । त्यसपछि दुबै प्रेमी प्रेमिकालाई हेलिकोप्टरमार्फत् उद्धार गरियो र अस्पताल भर्ना गरियो । दुबैको ज्यान बच्यो ।

घटनास्थलमा भएका एक प्रहरी अधिकारीले डेली मेलसँगको कुराकानीमा भने, ‘दुबै असाध्यै भाग्यमानी थिए । यदि चट्टानमा भारी हिमपात नभएको भए यसको परिणाम अरु केही पनि हुन सक्थ्यो ।’

यो सामाग्री पढेर तपाईलाई कस्तो महसुस भयो ?

नयाँ मिडिया

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by
आइत, पुस १९, २०७७ (January 3, 2021, 8:16 am) मा द्वारा अन्तर्राष्ट्रिय अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै