चर्चित अमेरिकी र्यापर म्याक मिलर क्यालिफोर्नियास्थित लस एन्जिल्स नजिकै आफ्नो घरमा मृत भेटिएका छन् ।
२६ वर्षे म्याकको मृत्यु ड्रग ओभरडोजका कारण भएको बताइन्छ ।
उनले पहिले पनि ड्रगको खतरनाक मात्रा लिने गरेको स्विकारेका थिए । हालै उनको एक एल्बम रिलिज भएको थियो र यसका लागि उनी टूर पनि थिए ।
म्याक मिलर सन् २०११ मा एक एल्बमपछि निकै लोकप्रिय भएका थिए ।
यस वर्षको सुरुवातमा मिलरकी प्रेमिका एवं गायिका अरियाना ग्रान्देसँग ब्रेकअप भएको थियो ।
म्याक र अरियानाको भेट सन् २०१२ मा भएको थियो । दुबैले एक कन्सर्टमा सँगै गीत पनि गाएका थिए ।
गत मे मा मिलरविरुद्ध मुद्धा पनि दर्ता भएको थियो । उनीमाथि लागुऔषधको नशामा गाडी चलाएको र हिट एण्ड रनको आरोप थियो ।
म्याकका प्रशंसकले अरियानालाई पक्राउका लागि जिम्मेवार देखाएका थिए । त्यसपछि अरियानाले सार्वजनिक रुपमा आफ्नो ‘टक्सिक रिलेशन’ समाप्त भएको जानकारी दिएकी थिइन् ।
उनले इन्स्टाग्राममा लेखेकी थिइन्, ‘म बच्चा सम्हाल्ने कुनै कामदार वा आमा होइन र कुनै पनि महिला यस्तो हुनुपर्ने आवश्यक पनि छैन । उनले आफ्नो नशा त्याग्लान् भन्ने आशमा मैले यतिका वर्ष बिताएँ, तर उनले कहिले पनि यसो गरेनन् । ’
मिलरले आफ्नो करियरको सुरुवात निकै चाँडै गरेका थिए । पेन्सिल्वेनियामा जन्मेका मिलरको बाल्यकालदेखि नै संगीतप्रति झुकाव थियो । उनले १५ वर्षको उमेरमा आफ्नो पहिलो र्याप बनाएका थिए ।
लोकप्रिय भएपछि उनले सन् २०१३ मा एमटिभीको एक रियालिटी सिरिजमा भाग लिएका थिए । त्यसपछि उनी लस एन्जिल्स गए जहाँ उनले निकै चर्चित कलाकारसँग मिलेर एल्बम निकाले ।
थुप्रै कलाकारले म्याकलाई श्रद्धाञ्जली दिएका छन् ।बीबीसी
प्रतिक्रिया
बिक्री गर्न तयार भएकाे लाखाैकाे खरबुजा अज्ञात व्यक्ति द्वारा बारीमै काटेर नष्टप्रतिक्रिया
अलपत्र परेकालाई गन्तव्यसम्म पुर्याइदिने कर्णाली प्रदेशकाे निर्णयप्रतिक्रिया
२१ पदक जित्दै छैटाै सगरमाथा अन्तराष्ट्रिय कराते प्रतियाेगितामा नक्साल डाेजाे बन्याे च्याम्पियनप्रतिक्रिया
पालैपालो यौनसम्पर्कपछि हत्या, मोबाइल ‘अन’ भएपछि पत्ता लाग्यो हत्याराप्रतिक्रिया
कोरोना संक्रमण बढ्दै गएपछि कोरिया जाने कामदार पठाउन बन्द