इरानको कडा आलोचना गरेका ट्रम्पले आफ्नो बचाउ गर्दा अरु हाँसे

संयुक्त राष्ट्रसंघको ७३ औँ महासभामा सम्बोधनको क्रममा अमेरिकी राष्ट्रपति डोनाल्ड ट्रम्पले इरानको कडा आलोचना गरेका छन् । ट्रम्पले इरानले मध्य पूर्वभर अराजकता, हत्या र विनासको अवस्था सिर्जना गरेको आरोप लगाए ।

न्युयोर्कमा संयुक्त राष्ट्रसंघको महासभालाई सम्बोधनको क्रममा ट्रम्पले इरानसँगको परमाणु सम्झौता रद्द गर्ने आफ्नो निर्णयको पनि बचाउ गरे ।

इरानले छिमेकी देश, उनीहरुका सीमा र सम्प्रभुताको सम्मान नगरेको ट्रम्पले आरोप लगाए । इरानी नेतृत्वले देशका स्रोत साधानको प्रयोग आफूलाई धनी बनाउन र पूरै मध्यपूर्वमा तनावको अवस्था सिर्जना गर्नका लागि प्रयोग गरिरहेको ट्रम्पले दाबी गरेका छन् ।

इरानमाथि कडा आलोचना गरेका ट्रम्पले आफ्नो प्रशासन र कामको प्रशंसा पनि गरे ।

अमेरिकाको इतिहासमा आफ्नो नेतृत्वमा यसअघिका भन्दा धेरै काम भएको उनले दाबी गरे । उनले यस्तो दाबी गर्दैगर्दा दर्शक दीर्घामा रहेकाहरु हाँसेका थिए ।

अरु हाँसेको देखेपछि ट्रम्प पनि हाँसेर आफूले यस्तो प्रतिक्रियाको अपेक्षा नगरेको बताए । उनले फेरि अमेरिका अहिलेको जस्तो बलियो, आर्धिक रुपले सबल वा सुरक्षित यसअघि कहिले पनि नरहेको दाबी गरे ।

ट्रम्पले सम्बोधनको क्रममा चीनप्रति कडा र उत्तर कोरियाप्रति तुलनात्क रुपमा नरम व्यवहार देखाए। ट्रम्पले अमेरिकालाई आफ्नो तरिकाले चल्न दिनका लागि आह्वान गरे ।

आफूले कुनै पनि देशलाई यसरी चल या यसो गर नभन्ने र अरुबाट पनि त्यसकै अपेक्षा रहेको ट्रम्पले बताए ।

यो सामाग्री पढेर तपाईलाई कस्तो महसुस भयो ?

View all articles by
बुध, अशोज १०, २०७५ (September 26, 2018, 8:45 am) मा द्वारा अन्तर्राष्ट्रिय अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै