स्पेनिश लिग फुटबलमा बार्सिलोना र रियाल मड्रिडले अपेक्षित खेल खेल्न सकेका छैनन् ।
७ खेलबाट १४ अंकमा रहेका बार्सिलोना र रियाल मड्रिडले शनिबार रातिका खेलमा बराबरी खेलेका हुन् ।
घरेलु मैदानमा खेलेको बार्सिलोनाले एथलेटिक बिलबाओसंग १–१ को बराबरी खेल्यो ।
४१ मिनेटमा अस्कर डे मार्कसले गोल गर्दै बार्सिलोनालाई पछाडि पारे । ८४ औं मिनेटमा मुनिर इ हडाड्डीले गोल गर्दै बार्सिलोनालाई बराबरीमा ल्याए । त्यसपछि गोल भएन र खेल बराबरीमै रोकियो ।
लिओनल मेस्सी भने हाफ टाइमपछि मात्र मैदानमा छिरेका थिए ।
डिफेन्डिङ च्याम्पियन बार्सिलोनाको हालत खराव भइरहँदा अर्को दावेदार रियाल मड्रिड पनि सफलताको सिँढि चढ्न सकेको छैन ।
रियालले घरेलु मैदानमै एथलेटिको मड्रिसंग गोलरहित बराबरी खेल्यो ।
लिगमा शनिबार रातिका खेलमा राए भाएकानो र स्पानियोलले २–२ को बराबरी खेले । सेभियाले आइबरलाई ३–१ ले हरायो । भ्यालेन्सियाले रियाल सोसिडाडलाई १–० ले हरायो ।
