बुधबार राती च्याम्पियन्स लिगमा ८ हजारौँ गोलको कोशेढुंगा पार भयो ।
तर, केही समय कसले ८ हजारौँ गोल पार गर्यो भन्ने विषयमा अन्यौल कायम रह्यो ।
एन्टोनियो ग्रिजमान र एरिक लमेलाले केही सेकेन्डको अन्तरालमा गोल गरे ।
च्याम्पियन्स लिगको ट्वीटर अकाउन्टले ग्रिजमानको गोललाई ८ हजारौँ गोलको मान्यता दियो भने ओप्टाले लामेलालाई ।
खेलको समयअनुसार ग्रिजमानले ६७ औँ मिनेटमा गोल गरेका थिए भने लामेलाले ६६ औँ मिनेटमा ।
तर, वास्तविक समयअनुसार भने फ्रेन्च स्ट्राइकरको गोल लामेलाकोभन्दा अघि थियो ।
त्यही भएर अन्ततः आठ हजारौँ गोलको मान्यता ग्रिजमानले पाए ।
ग्रीजमानको दुई गोलको मद्दतले एथ्लेटिको म्याड्रिडले क्लब ब्रागलाई ३–१ हरायो ।
समूहको अर्को खेलमा बोरुसिया डर्टमण्डले मोनाकोलाई ३–० गोलले पराजित गर्यो ।
गोलअन्तरको आधारमा समूह एमा डर्टमण्ड शीर्ष स्थानमा रहेको छ भने एथ्लेटिको दोस्रो स्थानमा रहेको छ ।
