अत्यधिक चिसोका कारण संयुक्त राज्य अमेरिकाका जनजीवन अस्तव्यस्त बनेको छ । यहाँको मध्यपश्चिमी भागको तापक्रमले दशकौंपछि रेकर्ड तोडेको छ जसले अहिलेसम्म आठजनाको ज्यान लिइसकेको छ ।
युनिभर्सिटी अफ लोवाका एक विद्यार्थी कलेज भवन बाहिर मृत भेटिएका छन् ।
१८ वर्षे गेराल्ड ब्लेजलाई बुधबार अचेत अवस्थामा भेटिएको थियो । उनलाई अस्पतालले पछि मृत घोषित गर्यो । अधिकारीका अनुसार उनको अत्यधिक चिसोका कारण मृत्यु भएको हो ।
यस्तै, डेट्रोइडका ७० वर्षे वृद्धालाई छिमेकीको घरमा मृत भेटिएका हुन् । अधिकारीका अनुसार उनले अत्यधिक चिसोबाट बच्ने पर्याप्त लुगा लगाएका थिएनन् ।
मंगलबार, ५५ वर्षे चार्ली ल्याम्पको विस्कन्सीनको एक ग्यारेजमा मृत्यु भयो । स्वास्थ्यकर्मीका अनुसार उनको बाटो अवरुद्ध गरिरहेको हिऊँ हटाउने क्रममा मृत्यु भएको हो ।
साथै, पेकिनका ८२ वषेको हाइपोथर्मियाका कारण मंगलबार मृत्यु भएको हो । यस्तै, ७५ वर्षे एक वृद्धको सोमबार सिकागोमा हिउँले पुरेका कारण मृत्यु भएको छ ।
यसका साथै, नर्दन इन्डियानामा एक जवान जोडीको हिउँले ढाकिएको सडकमा ठोक्किएर मृत्यु भयो ।
बिहिबार अमेरिकाको तेस्रो ठूलो शहर सिकागोमा १९८५ को रेकर्ड तोड्दै माइनस ३२ डिग्री सेन्टिग्रेट तापक्रम मापन गरिने मौसमविद्ले अनुमान गरेका थिए । यहाँको तापक्रम जनवरीमा
द नेशनल वेदर सर्भिस (एनडब्लू एस) ले रकफोर्ड, इलियोनोइस र वेस्ट अफ सिकागोले अहिलेसम्मको न्यूनत तापक्रम माइनस ३२ डिग्रीको रेकर्ड तोडेको छ । बिहिबार यहाँको तापक्रम माइनस ३४ डिग्री मापन गरिएको छ ।
लोआका शहरले पनि न्यूनतम तापक्रमको रेकर्ड तोडिसकेको छ । कटन, मिनिसोटाको तापक्रम बिहिबार सबैभन्दा कम मापन गरियो । प्रारम्भिक डाटाका अनुसार यहाँको तापक्रम माइनस ४८ डिग्री रह्यो ।
प्रतिक्रिया
बिक्री गर्न तयार भएकाे लाखाैकाे खरबुजा अज्ञात व्यक्ति द्वारा बारीमै काटेर नष्टप्रतिक्रिया
अलपत्र परेकालाई गन्तव्यसम्म पुर्याइदिने कर्णाली प्रदेशकाे निर्णयप्रतिक्रिया
२१ पदक जित्दै छैटाै सगरमाथा अन्तराष्ट्रिय कराते प्रतियाेगितामा नक्साल डाेजाे बन्याे च्याम्पियनप्रतिक्रिया
पालैपालो यौनसम्पर्कपछि हत्या, मोबाइल ‘अन’ भएपछि पत्ता लाग्यो हत्याराप्रतिक्रिया
कोरोना संक्रमण बढ्दै गएपछि कोरिया जाने कामदार पठाउन बन्द