काठमाण्डाै ।
एकदिवसिय विश्वकप क्रिकेट प्रतियोगिता अन्तर्गत बुधबार भएको खेलमा भारतले दक्षिण अफ्रिकालाई ६ विकेटले पराजित गरेको छ । २ सय २८ रनको लक्ष्य पछ्याएको भारतले ओपनर रोहित शर्माको अविजित शतकसँगै ४७.३ ओभरमा ४ विकेटको क्षतिमा लक्ष्य पुरा गरेको हो।जितसँगै भारतले विश्वकपमा सुखद सुरुवात गरेको छ ।
त्यसका लागि रोहित १ सय ४४ बलमा १३ चौका र २ छक्का सहित १ सय २२ रनमा अविजित रहँदै एक दिवसिय करियरको २३ औं शतक पुरा गरेका हुन् । त्यस्तै हार्दिक पान्ड्या ७ बलमा ३ चौका सहित १५ रन बनाउँदै भारतलाई जिताएर अविजित रहेका थिए ।
त्यस्तै ओपनर शिखर धवन ८, कप्तान विराट कोहलीलाई १८, लोकेश(केएल) राहुल ३० र महेन्द्र सिंह धोनी ३४ रनमा आउट भए । दक्षिण अफ्रिका लागि कागिसो रबाडाले २, क्रिस मोरिस र एन्डिले फेहकुवलोको नाममा समान १ विकेट रह्यो ।
साउथह्याप्टनमा टस जितेर पहिला ब्याटिङ थालेको अफ्रिकाले निर्धारित ५० ओभरमा ९ विकेट गुमाउँदै २ सय २७ रन बनाएको थियो ।त्यसका लागि क्रिस मोरिसले ३४ बलमा १ चौका र २ छक्का सहित महत्वपूर्ण ४२ रनको योगदान गरे भने कागिसो रबाडा ३५ बलमा २ चौका सहित ३१ रनमा अविजित रहे ।
त्यस्तै डेविड मिलरले ३१,ओपनर हासिम अमला ६ र अर्का ओपनर क्विन्टन डी कक १० रनमा आउट भए । रस्सि भान डर दुसेन २२ र कप्तान फाफ डु प्लेसिसलाई ३८ रनमा बाहिरीए । भारतको जित बनाउन युजभेन्द्र चाहलले ४, जसप्रित बुमराह र भुवनेश्वकर कुमारले २२ र कुलदीप यादवले १ विकेट लिए ।
