काठमाण्डौ ।
बलिउड नायिका राधिका आप्टेले फरक–फरक भूमिकामा अभिनय गरेकी छिन् । उनले अभिनय गरेको ‘अन्धाधुन, पाच्र्ड, प्याडम्यान, बदलापुर, सेक्रेड गेम्स, माँझी’ लगायतका चलचित्रले दर्शकको मन पनि जितेका छन् ।
राधिकाले चलचित्रमा न्यूड दृश्य समेत दिएकी छिन् । भारतमा व्यापारी राज कुन्द्रा पोर्नोग्राफी मुद्दामा हिरासतमा छन् । राजको मुद्दा अदालतमा चलिरहेको समयमा भारतमा भने विभिन्न कलाकारहरुले चलचित्रमा दिएको बोल्ड दृश्यलाई लिएर बहस सुरु भएको छ ।
advertisement
शुक्रबार नायिका राधे आप्टेलाई बहिष्कार गर्नुपर्ने माग सामाजिक संजाल ट्विटरमा चर्कियो । २४ हजार भन्दा बढी ट्विटर प्रयोगकर्ताले यो बिषयमा आफ्नो मत व्यक्त गरेका थिए । अधिकांशले राधिकाले चलचित्रमा न्यूड दृश्य दिएर अश्लिलता फैलाएको आरोप समेत लगाएका छन् ।
केही प्रयोगकर्ताले राधिकाले अभिनय गरेका चलचित्रका दृश्यहरु सामाजिक संजालमा पोष्ट गर्न नसकिने भन्दै उनलाई बहिष्कार गर्नुपर्ने माग गरे । भारतको संकृतीमाथि राधिकाले बारम्बार प्रहार गरेको आरोप समेत उनीहरुले लगाएका छन् । यो बिषयमा राधिकाको कुनै पनि भनाई सार्वजनिक भएको छैन ।
