लम्की चुहामा डेगुं रोगका बिरामी बढे,साउन देखि हाल सम्म ४७ जनामा संक्रमण,निजि स्वास्थ संस्थाको छैन तथ्यांक

बिहिबार, भदौ ९, २०७९, लम्की कैलाली । 

डेगुं रोग रोकथाम तथा नियन्त्रणका लागि लामखुट्टेको लार्भा नष्ट सम्बन्धी अभिमुखीकरण गोष्ठी बिहीबार लम्की चुहा नगरपालिकामा सम्पन्न भएको छ । लम्कीचुहा नगरपालिका स्वास्थ्य शाखा भल्का कैलालीको आयोजनामा उक्त कार्यक्रम भएको हो ।
पछिल्लो समयमा डेगुंका बिरामीहरू देखा पर्न थालेपछि सचेतना मुलक कार्यक्रम सुरु गरिएका छन् । लम्कीचुहा अस्पतालमा आज बिहीबारसम्मको रिपोर्ट अनुसार लम्कीचुहा नगरपालिकामा करिब ४७ जना डेगुंका बिरामी देखा परेका जनस्वास्थ्य निरीक्षक तप्त भण्डारीले जानकारी दिनु भएको छ । निजी अस्पतालको विवरण भने अपडेड गरिएको छैन् ।
लम्कीचुहा नगरपालिका वडा नं ३ मा डेगुंका बिरामी बढी देखा परिरहेका छन् । डेगुंका बिरामी देखा पर्न थालेपछि गाउँ गाउँमा लार्भा नष्ट अभियान सञ्चालन तथा वडामा समेत सञ्चालन भइरहेका छन् । वडा स्तरमा यस रोगको जांच गर्ने व्यवस्था समेत गरिएको जनस्वास्थ्य निरीक्षक भण्डारीले बताउनुभयो । कार्यक्रममा लम्कीचुहाका स्वास्थ्य शाखाका प्रमुख जयन्ती बिसीले अघिल्लो वर्ष पनि डेगुंका बिरामी फेला परेका र यो वर्षपनि डेगुंका बिरामी देखा पर्न थालेपछि स्वास्थ्य शाखा नियन्त्रणमा निरन्तर लागिरहेको बताउनुभयो ।
कार्यक्रममा जनप्रतिनिधि , स्वास्थ्यकर्मीहरू , सञ्चारकर्मीको सहभागीता रहेको थियो ।
डेगुंको लक्षणहरूमा रुघाखोकी लाग्ने , ज्वरो आउने , हातखुट्टा दुख्ने , कमजोरी महसुस हुने लगायतका लक्षण रहेका छन् ।
विशेषगरी सरसफाइको कमीका कारण यसको लार्भा निस्किने भएकाले आफ्नो घर आगन सरसफाइ राख्नुपर्ने हुन्छ ।

यो सामाग्री पढेर तपाईलाई कस्तो महसुस भयो ?

नयाँ मिडिया डट कम वाचडग मिडिया एण्ड डेप्थ रिपार्टिङ प्रालिद्वारा सञ्चालित नेपाली भाषाको मल्टिमिडिया समाचार पोर्टल हो। यस प्रालि द्वारा चाैविसै घण्टा लाइभ प्रसारण हुने नयाँ रेडियाे र नयाँ टिभी पनि सञ्चालनमा छन । साथै हाम्रा भिडियाे सामाग्रीहरू युट्युव च्यानल नयाँ मिडिया (Naya Media) मा पनि हेर्न सकिन्छ ।

View all articles by:

बिहिबार, भदौ ९, २०७९ (August 25, 2022, 2:14 pm) मा द्वारा प्रदेश नं- ७ अन्तर्गत प्रकाशित

प्रतिकृया दिनुहोस

Leave a Reply

Your email address will not be published. Required fields are marked *


फेसबुकबाट प्रतिक्रिया

भर्खरै