काठमाण्डाै ।
भारतको कोलकातास्थित सुभासचन्द्र बोस अन्तर्राष्टिय विमानस्थलको सोमबार एक्कासि इन्टरनेट सर्बर डाउन भएपछि २५ भन्दा बढी विमानहरुको उडान प्रभावित भएको छ । विमानस्थल कन्ट्रोल रुमदेखि प्रशासनिक कक्षमा समेत इन्टरनेट सर्बर डाउन भएपछि २५ वटाभन्दा बढी विमानको उडान प्रभावित भएको हो ।
त्यति धेरै विमानको उडान प्रभावित भएपछि यात्रुहरु समस्यामा परेको भारतीय सञ्चारमाध्यामहरुले जनाएका छन् । इन्टरनेटमा यस्तो खराबी देखिएपछि फ्लाइट इन्फरमेशन डिस्प्ले सिस्टमले समेत काम नगरेको विमानस्थलले जनाएको छ । साँझ ५ः ३० बाट सुरु भएको यो समस्याका कारण यात्रुहरुको विमानस्थलमा भीड लागेको छ ।
विमानस्थल अधिकारीहरुका अनुसार सर्वर मर्मतका लागि आइटी टिम जुटिरहेको र केही घण्टाभित्रै सर्बर मर्मत हुने आश्वासन दिएको भारतीय सञ्चारमाध्यामहरुले जनाएको छन् ।एजेन्सी
