‘निर्मलाका लागि न्याय अभियान’ का समर्थकहरुले आज छापामार शैलीमा सिंहदरबारको दक्षिण गेटअगाडि जम्मा भएर केही बेर धर्ना दिएका छन् ।
निषेधित क्षेत्रमा पर्ने उक्त स्थानमा प्रदर्शकारीहरु योजनावद्ध रुपमा जम्मा भइ एक्कासी गेट अगाडि पुगेर ब्यानर र प्लेकार्ड प्रदर्शन गर्न थालेका थिए ।
गेटमा सुरक्षाका लागि तैनाथ नेपाली प्रहरीलाई प्रदर्शकारी नियन्त्रणमा राख्न हम्मे–हम्मे परेको थियो ।
तर, केही समयपछि थप प्रहरी बल गेटमा पुगेपछि समर्थकहरु आफैं त्यहाँबाट हटेका थिए ।
‘निर्मलाका लागि न्याय अभियान’ का समर्थकहरुले निर्मालाको बलात्कारी र हत्यारालाई तुरुन्त पक्राउ गरी कारवाही हुनुपर्ने, निलम्बन गरिएका एसपी डिल्ली विष्टलाई विभागीय कारवाही मात्रै नभएर फौजदारी कानुन अन्तर्गत कारवाही गर्नुपर्ने लगायतका माग गरेका थिए ।
