नेशनल एडभान्स कम्प्युटर ईन्स्टिच्युट एण्ड टेक्नोलोजी र समाज रुपान्तरण युवा क्लवको सहकार्यमा सफा वातावरण स्वच्छ जीवन र effort are better than word भन्ने नाराका साथ आज लम्की बजार सरसफाई गरिएको छ ।
आज एक लम्की बजारको लम्की टिकापुर सडक खण्ड पिपुल्स सामुदायिक अस्पताल देखि लालरत्न अस्पताल सम्म सरसफाइ गरिएको नेशनल एडभान्स कम्प्युटर प्रमुख हेमन्त बहादुर शाहले जानकारी दिनु भयो ।
पछिल्लो समय लम्की बजारमा फोहोर निकै बढेको चासो कसैले नदिएको सहभागी हरुले बताएका थिए केही भए पनि आफुहरुले आज सरसफाइ गरेको शाहले बताउनु भयो ।
स्वच्छ लम्की बनाउन सबैको भुमिका भएकाले बजार बासी व्यापारी लगायत सरोकार वालाले हप्तामा एक दिन भए पनि लम्की बजारलाई सरसफाइ गर्नु पर्नेमा सहभागीले जोड दिएका थिए । समाज रुपान्तरण युवा कलबले खेलेको जस्तो भुमिका अन्य क्लबले समेत खेल्नु पर्ने बताइएको छ ।